Allah Pe Bharosa Rakho: March 2017

Friday 31 March 2017

Jitna Zaida Maut ko Yaad Karoge Utna Zaida Khwahish Kam hongi....kullu nafsin zaikatul maut

Friday 24 March 2017

Shab e Barat Manana Kasa Hai by Tauseef Ur Rahman

Shaban Maheene Mein 15th Shab Ko Shab-E-Barat Ke Naam Se Yaad Kiya Jata Hai …!! Ulma-e-Soo Is Raat Ke Liye Shab-e-Qadr Jaisi Fazilate Bayan Karte Hain… Yeh Aqeeda Rakha Jata Hai Ke Is Raat Poore Saal Main Hone Wale Waqkhyat Ka Faisla Kiya Jata Hai … Is Raat Infiradi Wa Ijtimayee Ibadato Ka Ahtmam Kiya Jata Hai … Atish baziya Ki Jati Hain… Masjido Main Chiragha Kiya Jata Hai … Bewa Aurte Ye Samajhti Hain Ke Unke Shoharo Ki Roohe Is Raat Aati Hain Isliye Behtreen Qism Ke Pakwan Tayyar Karke Unka INtezar Karti hain ..!!

Shab-E-Barat Ki Fazilat main Quran Ki Yeh Ayat Paish Ki jati Hai ….. ” Hamne Is (Quran) Ko Mubarak Raat Main nazil Farmaya , Hum Logo Ko Darane Wale Hain ” ( Al-Dukhhan Ayat No.3)
In Ka Yeh Qoul Sarasar Ghalat Wa Bebuniyad Hai Jiski Daleel Yeh Hai ke Allah RabbulAlaameen Ne Is Ayat Main Jis Raat Ko Mubarak Raat Kaha Hai Woh Ramadan Ki Shab-E-Qadr Hai Na Ke Shab-E-Barat. .. Kyonki Yeh Baat Har Musalman Janta Hai Ke Quran Kareem Ka nazool Maha Ramadan main Hua Hai Na Ke Shahban Ke Mahine Main.

Irshad-e-Rabbani Hai “Ramadan To Woh mahina Hai Jisme Quran Majeed Nazil Kiya Gaya ” ( Al-Baqra .. Ayat no. 185)

Doosri Jagah RabbulAalaameen Irshad Farmata Hai ” Humne Is (Quran Kareem) Ko Shab-E-Qadr Main Nazil Farmaya Tumhe KYa Malum ke Shab-E-Qadr Kya Hai, Shab-E-Qadr Main ek Raat Ki Ibadat Hazar Mahino Ki Ibadat Se Behtar Hai ” ( Al-Qadr..Ayat no.1-3)
In Ayaat Se maloom Hua Ke Surah Dukkhan Ki Ayat no. 3 Main Jis Mubarak Raat Ki Taraf Ishara Kiya Gaya Hai Usse Murad Shab-E-Qadr Hai Na Ke Shab-E-Barat. .!!
Shaban Ki 15wi Raat Ki Fazilat Main Jo Bhi Hadeese Bayan Ki Jati Hain Sab Ki Sab Mozoo Ya Zaeef Hain … Isi Tarhan Is Raat Ki Ibadato ke silsile Main Jo Bhi hadees bayan Ki Jati Hain Woh Sari Mozoo (unAuthentic) Hain..!!

Ek Hadees Hai Jo 15wi Shab Ke Liye Bayan Ki Jati Hai ” Rasool Allah SAW ne Farmaya Ke Allah SWT 15wi Shahban Ki Raat Ko Matlah Hokar Mushriq Wa Keena Parwar Ke Siwa Poori Makhlooq Ko Maaf Kar Deta Hai ” ( Ibn Ma’aja Silsila Saheeh 1652)
Lekin Is Hadees main Is Raat Ke Liye Makhsoos Ibadat Karne Ki Na Koee Dalee Hai Aur hi Kisi Ibadat Ka Hukum Diya Gaya Hai ..
Aur Jahan Tak Logo Ki Maghfirat Ki Baat Hai Tu Yeh Sirf isi Raat Ke Sath Khas Nahin Hai Balke Yeh To Har Din Hota Hai .. Jaisa Ke Saheeh Hadees Se Sabit Hai Ke.. Allah SWT Har Din Akhri Raat Ke Pehar main Sama Dunia Per Aata Hai AUr Yeh Ailan Karta Hai Ke : Kon Hai Jo Mujhe PUkare Phir Main Uski Dua Ko Qabool Karon, Kaun Hai Jo Mujhse Sawal kare AUr Main Use Doo, Kaun Hai Jo Mujh Se Maghfirat Talab Kare AUr Phir Main uski Maghfirat Kardon “

Isse Malum Hua Ke Gunaho Ki Maghfirat Ka Kaam hamesha Hota Rehta HaiYeh Sirf Shab-e-Barat Ke Sath Khas Nahin…!!
Haqeeqat yeh Hai Ke Shab-E-Barat Ka Islam Se Koee Taulluq Nahin Hai Ise Ijad Karne Wale Raafdi Hain ..!!
Ab Koee Yeh Kahe Ke Hum Is Raat Ibadat Hi To karte Hain To Isme Burayee Kya Hai .. Burayee Ibadat Main Har Giz nahin Hai Burayee Hai is Baat Main Ke Jo Baat Rasool SAW ne Nahin Batayee Woh Hum Kaise Kar SakTe Hain ?

Ek Insan Agar Asr Ke 4 Farzo Ki jagah 5 Parhne Lage To Kya WOh Sahee HOga? Hargiz Nahin Jabke Woh Ek Rakat Namaz Hi ZYada parh Raha Hai Per Rasool Allah SAW ne 4 Bataye Hain To Hum Usse Zyada Ya kam Nahin Kar Sakte…
Isi Tarhan Ibadat Allah SWT ke Yahan WOh Qabool Hogi Jiske Karne Ka Hukum Rasool SAW Ne Diya Hai …
Aur Shab-e-Barat Ki Ibadat Kisi Bhi Sahee Ahdees Se Sabit Nahin….

Zara Sochiye Ke Agar Yeh Itni Fazilat Wali Raat Hoti To KYa Sahaba ikram Is Raat Ko Ibadat Na Karte? Koee Ek Bhi Wakhiya Sahaba ikram se Sabit Nahin Ke Un Logo Ne Is Raat Ko Khas Ibadat Ki Ho … Jo Khas Ibadat Ki Raat Hai WOh To Ramadan Ki Shab-e-Qadr Hai Usme Jitni Chahe Ibadat Karein…!!
Ek Baat Yaad Rakhein Ke Allah SWT Us Ibadat Ko Qabool Karta Hai Jisme Niyat Khalis Allah Ki Raza Ki Ho AUr Tareeqa Khalis Rasool Allah Sallallahu Alaiwasallam Ka Ho ..!!

Ek Baat Aur Ki Jaati Hai 15 Tareekh Ko Ke Log Halwa Banate Hain BantTe Hain Apas Main Aur Bahut Sawab Samajhte Hain… Iski Haqeeqat Kya Hai Yeh BHi Dekhlein..!! Halwa Banane Wale iski Daleel Yeh Dete Hain Ke Ghazwa-e-Ohud Main Rasool SAW ke Dandane Mubarak Shaheed Hue The Takleef Ki Wajah Se Aap SAW khana Khane se Qasir The.. Isliye Rasool SAW Ne Halwa Naush Farmaya Tha Aap SAW ki Is Sunnat Per Amal Karte Hue Is Raat Halwa Khori Ki Jati Hai.. Yeh Woh Daleel Hai Jis Per Halwa Khoro Ki Poori Imarat Qayam hai…!!
Tareekhi Aitbar Se Bhi Ye Daleel Bebuniyad Hai.. Isliye Ke Ghazwa-e-Ohud Shawal 3 Hijri Main paish Aya Tha Na Ke Shahban Ke Mahine Main, yeh Kitni Khilafe Aqal Baat Hai ke Dandane Mubarak Maah Shawal Main Shaheed Hon Aur Halwa Khane Ki Sunnat Maah Shahban Main Ada Ki Jaye.. Woh Bhi Sirf Ek Din ? Aur Agar Sunnat Se Itni Mohabbat Hai To Pehle Dant Shaheed Karwain Phir Halwa Khaein..!!

Fatiya Ka Khana Haram Hai.......Jis Par Allah Ke Siwa Kisi Aur Ka Naam Liya Gaya ho Haram Hai

Khane pe surah fatiha padhna:
Allah pak Quran me farmate hai
..Aur hamne yeh kitab nazil farmaee hai jiss mein her cheez ka shafi biyan hai aur hidayat aur rehmat aur khuskhabri hai musalmanon kay liye.
(al Israa :89)
Rasoollallah Sallallhu Alaihi Wasallam ne farmaya
” Sabse behtareen Kalam Allah ki kitab hai aur sabse behtareen tareeqa Muhammad Sallallahu Alaihi Wasallam ke tareeqa hai …”
Sahih Bukhari: Volume 9, Book 92, Number 382.
Muslim ummah ke ek groh me ek riwaj paya jata hai ki wo kisi khas mauke par ya har jume-raat ko khane ke upar surah fatiha padhte hai aur fir uska sawab faut shuda logo ko baksh dete hai. Is amal ka zikr na toh kitab e hidayat me hai aur na hi sunnate Rasool me. Lihaza ye biddat me shumar hota hai.

Ayesha r.a. riwayat karti hai ki Mohammad s.a.w. ne farmaya ki Jisne hamare is deen me kuch aisi baat shamil ki jo usme se nai hai to wo mardud hai.
Sahih al bukhari, had-2697
Sahih Muslim, had-1718.
Mohammad s.a.w. ne farmaya ki Meri sunnat aur khulfa rashidin ki sunnat ko daanto se mazbuti se pakde rahna aur har nayi chiz jo deen me nikali jaye usse bachna kyuki har nai chiz ek gumrahi hai.
[Musnad Ahmad (4/126) and at-Tirmidhee (2676)].
Abdullah Ibn UMar(RA) farMate hain: TAMAAM Biddatein GUMRAAHI hain, agarche “Ba-Zaahir woh, logon ko ACHCHI lagein”.
SUNAN KUBRA BAIHAQI (HADITH138).
RasoolAllah ﷺ ne hame biddat se bachne ki sakht nasihat farmai hai. So hame Allah se darna chaiye deen me nayi chize ijaad karne se aur biddat ko chor kar sunnat ko apnana chaiye.
Ahle biddat apne is amal ko support karne ke liye ek riwayat pesh karte hai jo ki ek lambi hadith hai jiski summary(khulasa) kuch aisa hai:

Hazrate Abu Talha RaziALLAHU Anhu Ke Ghar Dawat Par, Aap NABI E PAAK (SALLALAHU ALAYHI
WASALLAM) Ne Roti Aur makhhan Rakha aur Jo Chaha Padha, Aur Fir Usme Itni Barkat
Ho Gayi, Ki 70 ya 80 admio ne use khaya.
Sahih al-Bukhari 6688.
source of sahih al bukhari- http://sunnah.com/bukhari/83/65
Kya daleel di hai batil ne jab nabi[swas] ne roti[khane] me barkat ke liye duwa kare tu 70-80 sahaba[ra] pet bhar kar khaye! Lekin ahle biddat ke yaha khane me barkat ke liye duwa ki jata hai tu 3 admiyo ka khana 1 hi admi kha jata hai. Ye ahle biddat ke liye sochne wali baat hai!!!
jab nabi[saw] ne roti me barkat ke liye duwa ki tu ap[saw] ne kaunsi surat padhi yeh kisi sahaba[ra] ko malum nahi tha. Lagta hai ahle biddat ko ilm gaib hai kyu ke nabi[saw] ne bataya hi nahi ke unhone kaunsi surat ya ayat ya dua padhi ha Roti me barkat ke liye. Khairr…
Khana Khane se pahle us khane par surah fatiha padhna sahih hadiths ke khilaf hai :D :
Aisha r.a. riwayat karti hai ki RasoolAllah ﷺ che(6) sahaba ke sath khana kha rahe the aur tab hi ek dehati (Bedouin) aya aur usne do niwale me pura kha gaya. RasoolAllah ﷺ ne farmaya: ‘ Agar usne Bismillah kaha hota to ye(Khana) tumlogo ke liye kafi hota(bismillah ke barkat se). Jab tum maise koi khana khae to use Bismillah kahna chaiye aur agar shuruwat me bismillah kahna bhul gaya ho to use Bismillah fi awwalihi wa akhirih kahna chaiye(Allah ke naam se shuru aur Allah ke naam se khatm).
Grade : Sahih
Sunan Ibn Majah, Vol. 1, Book 29, Hadith 3264.
So hame is hadiths se yeh pata chala ki khana khane se pahle Surah Fatiha nahi balki Bismillah padhna chaiye.
Dusri baat, ahle biddat ki di hui ahadith se ye saaf pata chalta hai ki ye RasoolAllah ﷺ ka mojzah(miracle) tha aur agar kisi muslim me zara si bhi aql hogi to usko ye pata hoga ki mozza aur sunnat alag alag chize hai. Ummatio ko mojzah ka nai balki sunnah ka paband hona chaiye. Ab sahih hadiths me ek aur riwayat hai ki RasoolAllah ﷺ ne chand ko ungli ke ishare se do tukde kiye to kya ummat e mohammadi ko bhi roz ya jume-raat ko ya hafte me ek baar ya kisi khas mauke pe chand ko ungli ke ishare se do tukde karne ki koshish karni chaiye???? Ye bilkul hi aql ke khilaf hai aur sath-sath islami shariah ke khilaf bhi hai.
JO chiz deen hai hame RasoolAllah ﷺ ne bata diya hai. Agar khane ke upar surah fatiha padhne me bhi koi sawab ya fayda hota to RasoolAllah ﷺ hame zarur bata kar jate. Unhone nauzbillah ummat se koi baat chupai nahi hai.

Mohammad sallalaahu alaihi wa sallam ne farmaya: ”Maine tumhare paas kuch nahin chhora jo tumhe Allah ke aur kareeb le aye siwaaye jo maine tumhe hukm kiya hai.”
[Reported by at-Tabaraani, authentic, refer to Asl Sifatis-Salaati n-Nabee, vol. 3, p. 942][Musnad Ahmad, Silsilah Sahiha 1803, Sahih by Albani]
Fatiha ki chize khana:
Ahle biddat khane par Surah fatiha padhte hai aur us khane par faut shuda shaks ka naam lete hai. Jab ki Allah swt Quran me char mukam pe farmate hai
Surah baqarah ayat 173, surah maida(5) ayat 3, surah anaam 6, ayat 145, surah nahl 16 ayat 115:

حُرِّمَتْ عَلَيْكُمُ الْمَيْتَةُ وَالدَّمُ وَلَحْمُ الْخِنزِيرِ وَمَا أُهِلَّ لِغَيْرِ اللَّهِ بِهِ

” Tum per haraam kiya gaya murdaar aur khoon aur khinzeer ka gosht aur jis par Allah kay siwa kisi aur ka naam pukara gaya ho .. “
In ayato se saaf pata chalta hai ki agar khane ke upar Allah ke alawa kisi aur ka naam pukara gaya ho wo shaks chahe jitna hi nek kyu na ho to wo khana hamare liye khana haram hai. Isi ayat ki wajah se Hindu ke yaha ka Prasad bhi khana haram hai. Aur isi ayat ke wajah se Fatiha ka khana khana bhi haram hai.

Wednesday 22 March 2017

Logo Ke Khauf Se Haq Ki Baat Khene Se Na Ruko KyunKe Na Tho Koi Maut Ko Khareeb Karsakta Hai aur Na Koi Rizaq Ko Dur Karsakta Hai

Khulfa E Rashideen Hazrat Abu bakr Siddiq (RA)

Kya Farz Namaz Shuru Hone Ke Baad Bhi Sunnat Namaz Padsakte Hai

Baaz log jamat me faraz Namaz shuru hone ke baad bhi Sunnat namaz padte hy.. Lekin Amal galat hy dekhiye Hadees Hazrat Abu hurairah(Razi Allah Anhu)riwayat karte hai ke Nabi-e-Kareem(Sallallaahu Alaihi wa sallam)ne Farmaya.

Jab Farz Namaz ki takbeer ho to koi Namaz na padhni chahiye siwaye Farz Namaz ke.

(Saheeh Muslim Hadees No.1644)

2)Hadees.

Hazrat Abu hurairah(Razi Allah Anhu)riwayat karte hai ke Nabi-e-pak (Sallallaahu Alaihi wa sallam)ne Farmaya.

Jab Farz Namaz ki Iqamat kahi jaye To siwaye Farz Namaz ke koi(aur)Namaz Nahi(padho)

(Saheeh Muslim Hadees No.1646).

Buzrugon Ki Tauheen Na Hum Karte Hain, Na Shariyat Ne Hame Karne Ki Ijazat Di Hai

Sureh Al Aaraaf Ayat 189 to 193

Friday 17 March 2017

Tum Mai Koi (Mard Ya Aurat) Apni Bazu Sajde Mai Is Tarah Na Bhijaye Jis Tarah Kutta(Dog) Bhijata Hai

Tum Mai Koi (Mard Ya Aurat) Apni Bazu Sajde Mai Is Tarah Na Bhijaye Jis Tarah Kutta(Dog) Bhijata Hai.

03) March Month

Jab Tumhe Namaz ki Pabandi Karne Accha lagne Lagtha ho

Tuesday 7 March 2017

Ae Logo Jo Imaan Laye Ho Itaat Karo ALLAH ki aur Itaat Itaat Karo Rasool ki..

Insan Jab Acha Sounchtha Hai Tho ALLAH Khud Hi Raste Banadeta Hai Aur Mushkil Asaan Ho Jaati Hai

Sunday 5 March 2017

Jab Koi Muskil Dhar Pesh Hoti Tho Aap Rasoollallah Sallallhu-Alaihi-Wasallam ne farmaya NAMAZ ki Taraf Mutawaje Hojate

Aap Rasoollallah Sallallhu-Alaihi-Wasallam ne farmaya ko Jab Koi Muskil Dhar Pesh Hoti Tho Aap Rasoollallah Sallallhu-Alaihi-Wasallam ne farmaya NAMAZ ki Taraf Mutawaje Hojate.

Jab Tum NAMAZ Nahi Padthe tho Ye Mat Souncho

Jab Tum NAMAZ Nahi Padthe tho Ye Mat Souncho Ke Waqt Nahi Mila Balki Ye Souncho Ke Tumse Aisi Konsi Khata Hui!
Ke ALLAH Ne Tumhein Apne Samne Khada Karna Bhi Pasand Nahi Kiya.

Agar koi Namaz parhna bhul jaye to jab bhi yaad aaye usko parh le

Anas bin Malik Radi-Allahu-Anhu se rivayat hai ki Rasoollallah Sallallhu-Alaihi-Wasallam ne farmaya agar koi Namaz parhna bhul jaye to jab bhi yaad aaye usko parh le , is Qadha ke siwa aur koi kaffara uska nahi hai

Sahih Bukhari, Vol 1, Book 10, No. 571

Saturday 4 March 2017

Dusro Ke Ache Hone ka Intezar Mat Karo, Balki Unhe Acha Bankar Sikhao Ke Acha Insan Kaise Hota Hai.

Jo Koi Paanch Waqt ki Namaz Padtha Hai WO Allah Azzawajal Ki Hifazat Mai Hai, Aur Jiski Hifazat Allah Karta hai Us se Koi Nuqsan Nahi Pucha Sakta..!

Hazrat Abu Bakr Siddique Razi Allahu Anhu ne Farmaya

Jo Koi Paanch Waqt ki Namaz Padtha Hai WO Allah Azzawajal Ki Hifazat Mai Hai, Aur Jiski Hifazat Allah Karta hai Us se Koi Nuqsan Nahi Pucha Sakta..!

Jannat Wale Jab Jahannum Walo Se Puchenge Ke Kya Cheez Unko Dozakh me Le Aayi Toh WO Kahege Ke Hum Namaz Nahi Padte the

Janaza-E-Namaz-Ka-Tareekah

Duniya ko Jeetna Chahate Ho Tho Awaz Me Narmi Paida Karo

Duniya ko jeetna chahate ho tho awaz me narmi paida karo

Duniya ki Izzat Maal Se Aur Akhriraat Ki Izzat Amal Se Hoti Hai

Friday 3 March 2017

10)Surah-Younus Makka mai Nazil hui, is mai aikso-nou (109) Aayatain hain

(Surah-Younus Makka mai Nazil hui, is mai aikso-nou (109) Aayatain hain)
1
Alif Laam Raa, Yeh Bari Hikmat Wali Kitaab Ki Aayatain Hain.
2
Kia Lougon Ko Taajub Hua Ke Ham Ne Un Hi Main Se Aik Mard Ko Hukum Bhaija Ke Lougon Ko Darr Suna Do. Aur Eemaan Laane Waloun Ko Khushkhabri De Do, Ke Uun Ke Parwardigaar Ke Haan Un Ka Saccha Darja Hai. Aise Shakhs Ki Nisbat Kaafir Kehte Hain Ke Yeh Sareeh Jadugar Hai.
3
Tumahra Parwardigaar Toh Khuda Hi Hai, Jis Ne Aasmaan Aur Zameen Che (6) Din Main Banaye Phir Arsh (Aasmaan) Takht-E-Shaahi Par Qaaim Hua, Wohi Har Aik Ka Intizaam Karta Hai. Koi Us Ke Paas Us Ka Izzn Haasil Kiye Bagair Kisi Ki Sifaarish Nahi Kar Sakta,Yehi Khuda Tumhara Parwardigaar Hai ,Toh Usi Ki Ibadat Karo.Bhala Tum Gour Kion Nahi Karte.
4
Usi Ke Paas Tum Sab Ko Lout Kar Jaana Hai.Khuda Ka Waada Sacha Hai. Wohi Khalqat Ko Pehli Baar Paida Karta Hai. Phri Wo Hi Us Ko Dobara Paida Kare Ga Taa-Ake Eemaan Waloun Aur Naik Kaam Karne Waloun Ko Insaaf Ke Sath Badla De. Aur Joh Kafir Hain Un Ke Liye Peene Ko Nihayat Garam Paani Aur Dard Dene Wala Azaab Hoga, Kion Ke Khuda Se Inkaar Karte The.
5
Wohi Toh Hai Jis Ne Sooraj Ko Roshan Aur Chaand Ko Munnawar Banaya Aur Chand Ki Manzilain Muqarrar Keen Taa-Ake Tum Barsoun (Years) Ka Shumaar (Counting) Aur Kaamoun Ka Hisaab Maloom Karo. Yeh Sab, Kuch Khuda Ne Tadbeer Se Paida Kia Hai. Samajhne Waloun Ke Liye Wo Apni Aayatain Khol Khol Kar Bayan Fermata Hai.
6
Raat Aur Din Ke Aik Doosre Ke Peeche Aane Jaane Main, Aur Joh Cheezain Khuda Ne Aasmaan Aur Zameen Main Paida Ki Hain Sab Main Darne Waloun Ke Liye Nishaniyan Hain.
7
Jin Lougon Ko Ham Se Milne Ki Tawaqoh Nahi Aur Dunia Ki Zindagi Se Khush Aur Isi Par Mutmain Ho Baithe Aur Hamari Nishaniyoun Se Gaafil Ho Rahe Hain.
8
Un Ka Thikana Un Aamaal Ke Sabab, Joh Wo Karte Hain Dozakh Hai.
9
Aur Joh Loug Eemaan Laye Aur Naik Kaam Karte Rahe Un Ko Parwardigaar Un Ke Eemaan Ki Wajah Se Aise Mehloun (Palaces) Ki Raah Dikhaye Ga Ke Un Ke Neeche Naimat Ke Baaghoun Main Nehrain Beh Rahi Houn Gi.
10
Jab Wo Un Mian In Naimatoun Ko Daikhain Ge Toh Be Saakhta Kahain Ge Subhaan Allah. Aur Apas Main Un Ki Dua Salaam-O-Alaikum Hogi Aur Un Ka Aakhri Qoul Yeh Hoga, Ke Khuda-E-Rabb-Ul-Aalmeen Ki Hamd Aur Us Ka Shukar Hai.
11
Aur Agar Khdua Lougon Ki Burai Main Jaldi Karta, Jis Tarha Wo Talab-E-Khair Main Jaldi Karte Hain. Toh Un Ki Umar Ki Mayaad (Time Period) Poori Ho Chuki Hoti So Jin Lougon Ko Ham Se Milne Ki Tawaqoh (Expectation) Nahi Unhain Ham Chore Rakhte Hain Ke Apni Sarkashi Main Behekte Rahain.
12
Aur Jab Insan Ko Takleef Pohonchti Hai Toh Leta Aur Baitha Aur Khara Har Haal Main Hamain Pukaarta Hai.Phir Jab Ham Us Takleef Ko Us Se Door Kar Dete Hain, Toh Be Lehaaz Ho Jata Hai, Aur Is Tarha Guzar Jata Hai Ke Goya Kisi Takleef Pohonchne Par Hamain Kabhi Pukara Hi Na Tha. Isi Tarha Had Se Nikal Jane Waloun Ko Un Ke Aamaal Aaraasta Kar Ke Dikhaye Gaye Hain.
13
Aur Tum Se Pehle Ham Kai (Many) Ummatoun Ko Jab Unhoun Ne Zulm Ikhtiyaar Kia Halaak Kar Chuke Hain. Aur Un Ke Paas Paigambar Khuli Nishaniyan Le Kar Aaye, Magar Wo Aise Na The Ke Eemaan Late.Ham Gunnehgaaroun Ko Issi Tarha Badla Dia Karte Hain.
14
Phir Ham Ne Un Ke Baad Tum Lougon Ko Mulk Main Khaleefa (Caliph) Banaya, Taa-Ake Daikhen Ke Tum Kaise Kaam Karte Ho.
15
Aur Jab Un Ko Hamari Aayatain Parh Kar Sunai Jaati Hain Toh Jin Lougon Ko Ham Se Milne Ki Umeed Nahi, Wo Kehte Hain Ke Ya Toh Us Ke Siwa Koi Aur Quraan Bana Laao, Ya Is Ko Badal Do. Keh Do Ke Mujh Ko Ikhtiyaar Nahi Hai Ke Usse Apni Taraf Se Badal Doon. Main Toh Ussi Hukum Ka Taabe (Obedient To Order) Hoon , Joh Meri Taraf Aata Hai.Agar Main Apne Parwardigaar Ki Nafarmani Karoon Toh Muhje Bare Sakht Din Ke Azaab Se Khof Aata Hai.
16
Yeh Bhi Keh Do Ke Agar Khdua Chahta Toh Na Toh Main Hi Ye Kitaab Tum Ko Parh Kar Sonata Aur Na Wohi Tumhain Iss Se Waqif Karta. Main Uss Se Pehele Tum Main Aik Umar Raha Hoon Aur Kabhi Aik Kalma Bhi Us Tarha Ka Nahi Kaha Bhala Tum Samajhte Nahi.
17
Toh Us Se Barh Kar Zaalim Koun Hoga Joh Khuda Par Jhoot Ifitraa ( ) Kare Aur Us Ki Aayatoun Ko Jhutlaye. Be Shak Gunnehgaar Falaah Nahi Paayen Ge.
18
Aur Ye Loug Khdua Ke Siwa Aisi Cheezoun Ki Parastish Karte Hain Joh Na Un Ka Kuch Bigaar Sakti Hain, Aur Na Kuch Bhala Hi Kar Sakti Hain, Aur Kehte Hain Ke Yeh Khuda Ke Paas Hamari Sifarish Karne Wale Hain. Keh Do Kia Tum Khuda Ko Aaisi Cheez Batate Ho Jis Ka Wajood Usse Na Aasmaanoun Main Maloom Hota Hai Aur Na Zameen Main. Wo Paak Hai Aur Us Ki Shaan Unke Shirk Karne Se Bohot Buland Hai.
19
Aur Sab Loug Pehle Aik Hi Ummat, Yaani Aik Hi Millat Par The. Phir Juda Juda Ho Gaye. Aur Agar Aik Baat Joh Tumhare Parwardigaar Ki Taraf Se Pehele Ho Chuki Hai, Na Hoti Toh Jin Baatoun Main Wo Ikhtilaaf Karte Hain Un Main Faisla Kar Dia Jaata.
20
Aur Kehte Hain Ke Us Par Us Ke Parawardigaar Ki Taraf Se Koi Nishani Kion Naazil Nahi Hui. Keh Do Ke Gaib Ka Ilm Toh Khuda Hi Ko Hai , So Tum Intizaar Karo. Main Bhi Tumahare Sath Intizaar Karta Hoon.
21
Aur Jab Ham Lougon Ko Takleef Pohonchne Ke Baad Apni Rehmat Se Aasaaish Ka Mazah Chakhate Hain, Toh Wo Hamari Aayatoun Main Heele Karne Lagte Hain. Keh Do Ke Khuda Bohot Jald Heela (Bahaana) Karne Wala Hai. Aur Joh Heele Tum Karte Ho Hamare Farishte Un Ko Likhte Jaate Hain.
22
Wohi Toh Hai Joh Tum Ko Jungle Aur Darya Main Chalne Phirne Aur Sair Karne Ki Toufeeq Deta Hai.Yahan Tak Ke Jab Tum Kashtiyoun Main Sawaar Hote Aur Kashtiyaan Paakeeza Hawa Ke Narm Narm Jhounkoun Se Sawaarioun (Passengers) Ko Le Kar Chalne Lagti Hain Aur Wo Un Se Khush Hote Hain, Toh Na Gahaan Zannate (Bohot Taiz) Ki Hawa Chal Parti Hai, Aur Lehrain Har Taraf Se Un Par Josh Maarti Hui Aane Lagti Hain Aur Wo Khayal Karte Hain Ke Ab Toh Lehroun Main Ghirr Gaye, Toh Us Waqt Khalis Khuda Hi Ki Ibadat Kar Ke Us Se Dua Maangne Lagte Hain, Ke Ae Khuda Agar Tu Ham Ko Is Se Nijaat Bakhshe Toh Ham Tere Bohot Hi Shukar Guzzar Houn.
23
Lekin Jab Wo Un Ko Nijaat De Deta Hai Toh Mulk Main Na Haq Shararat Karne Lagte Hain. Lougo! Tumhari Shararat Ka Wabaal Tumhari Hi Jaanoun Par Hoga, Tum Dunia Ki Zindagi Ke Faaide Utha Lo. Phir Tum Ko Hamare Hi Paas Lout Kar Aana Hai.Us Waqt Ham Tum Ko Batayen Ge Joh Kuch Tum Kia Karte The.
24
Dunia Ki Zinagi Ki Misaal Meenh (Rain) Ki Si Hai Ke Ham Ne Us Ko Aasmaan Se Barsaaya. Phir Us Ke Sath Sabza Jisse Aadmi Aur Janwar Khate Hain Mil Kar Nikla, Yahan Tak Keh Zameen Sabze Se Khushnuma Aur Aaraasta Ho Gai, Aur Zameen Waloun Ne Khayaal Kia Ke Wo Is Par Poori Dastaras Rakhte Hain, Nagaahaan Raat Ko Ya Din Ko Hamara Hukum-E- Azaab Aa Pohoncha Toh Ham Ne Us Ko Kaat Kar Aisa Kar Daala, Ke Goya Kal Wahan Kuch Tha Hi Nah. Joh Loug Ghour Karne Wale Hain. Un Ke Liye Ham Apni Qudrat Ki Nishaniyan Issi Tarha Khol Khol Kar Biyaan Karte Hian.
25
Aur Khuda Salamti Ke Ghar Ki Taraf Bulata Hai. Aur Jis Ko Chahta Hai Seedha Raasta Dikhata Hai.
26
Jin Lougon Ne Naiko Kaari Ki Un Ke Liye Bhalayee Hai, Aur Mazeed-E-Baraan Aur Bhi, Aur Un Ke Moohoun Par Na Toh Siyaahi Chaye Gi Aur Na Ruswaai. Yeh Hi Jannati Hain, Ke Us Main Hamesha Rahain Ge.
27
Aur Jinhoun Ne Bure Kaam Kiye Toh Burai Ka Badla Waisa Hi Hoga. Aur Un Ke Moohoun Par Zillat Cha Jaye Gi. Aur Koi Un Ko Khuda Se Bachane Wala Na Hoga.Un Ke Moonhoun Ki Siyaahi Ka Ye Aalam Hoga Ke Un Par Goya Andhairi Raat Ke Tukre Orha Diye Gaye Hain.Yeh Hi Dozakhi Hain Ke Hamesha Us Main Rahain Ge.
28
Aur Jis Din Ham Un Sab Ko Jamaa Karain Ge, Phir Mushrikoun Se Kahain Ge Ke Tum Aur Tumhare Shareek Apni Apni Jaga Tehere Raho. Toh Ham Un Main Taffaraqa Daal Dainge Aur Un Ke Shareek Un Se Kahain Ge Keh Tum Ham Ko Toh Nahi Pooja Karte The.
29
Hamare Tumhare Darmiyaan Khuda Hi Gawaah Kaafi Hai. Ham Tumhari Parastish Se Bilkul Be Khabar The.
30
Wahan Har Shakhs Apne Aamaal Ki, Joh Us Ne Aage Bhaije Houn Ge Aazmaaish Kar Le Ga Aur Wo Apne Sache Maalik Ki Taraf Loutaye Jayen Ge Aur Joh Kuch Wo Bohtaan Baandha Karte The Sab Un Se Jaata Rahe Ga.
31
Un Se Poocho, Ke Tum Ko Aasmaan Aur Zameen Main Rizq Koun Deta Hai Ya Tumhare Kaanoun Aur Aankhoun Ka Malik Koun Hai ,Aur Bejaan Se Jaandar Koun Paida Karta Hai ,Aur Jandar Se Be Jaan Koun Paida Karta Hai, Aur Dunia Ke Kaamoun Ka Intizaam Koun Karta Hai. Jhat Keh Dainge Ke Khuda. Toh Kaho Ke Phir Tum Khuda Se Darte Kion Nahi?
32
Ye Hi Khuda Toh Tumhara Parwardigaar Barhaq Hai. Aur Haq Baat Ke Zaahir Hone Ke Baad Gumraahi Ke Siwa Hai Hi Kia? Toh Tum Kahan Phire Jate Ho.
33
Issi Tarha Khuda Ka Irsahaad Un Nafarmanoun Ke Haq Main Sabit Ho Kar Raha, Ke Ye Eemaan Nahi Laayen Ge.
34
Un Se Poocho Ke Bhala Tumhare Shareekoun Main Koi Aisa Hai Ke Makhlooqaat Ko Ibtidaa-An Paida Kare Aur Phir Us Ko Dobara Banaye? Keh Do Ke Khuda Hi Pehli Baar Paida Karta Hai, Phir Wo Hi Us Ko Dobara Paida Kare Ga Toh Tum Kahan Ukkse Ja Rahe Ho.
35
Poocho Ke Bhala Tumhare Shakreekoun Main Koun Aisa Hai Ke Haq Ka Raasta Dikhaye. Keh Do Ke Khuda Hi Haq Ka Rasta Dikhata Hai. Bhala Joh Haq Ka Rasta Dikhaye Wo Is Qaabil Hai Ke Us Ki Pairvi Ki Jaye, Ya Wo Ke Jab Tak Koi Usse Rasta Na Bataye Rasta Na Paaye. Toh Tum Ko Kia Hua Hai Kaisa Insaaf Karte Ho?
36
Aur Un Main Ke Aksar Sirf Zann Ki Pairwi Karte Hain.Aur Kuch Shak Nahi Ke Zann Haq Ke Muqaable Main Kuch Bhi Kaar Aamad Nahi Ho Sakta. Be Shak Khuda Tumhare Sab Aamaaloun Se Waqif Hai.
37
Aur Yeh Quraan Aisa Nahi, Ke Khdua Ke Siwa Koi Is Ko Apni Taraf Se Bana Laye.Haan Haan Yeh Khuda Ka Kalaam Hai Joh Kitaabain Us Se Pehle Ki Hain. Un Ki Tasdeeq Karta Hai Aur Un Hi Kitaaboun Ki Is Main Tafseel Hai, Is Main Kuch Shak Nahi Ke Ye Rabb-Ul-Aalmeen Ki Taraf Se Nazil Hua Hai.
38
Kia Yeh Loug Kehte Hian Ke Paigambar Ne Is Ko Apni Taraf Se Bana Liya Hai, Keh Do Ke Agar Sachhe Ho Toh Tum Bhi Is Tarha Ki Aik Soorat Bana Lao ,Aur Khuda Ke Siwa Jin Ko Tum Bula Sako Bula Bhi Lo.
39
Haqeeqat Ye Hai Ke Jis Cheez Ke Ilm Par Ye Qaaboo Nahi Paa Sake, Us Ko Nadaani Se Jhutla Dia, Aur Abhi Is Ki Haqeeqat In Par Khuli Hi Nahi. Issi Tarha Joh Loug In Se Pehle The Unhoun Ne Takzeeb Ki Thi Sou Daikh Lo Ke Zaalimoun Ka Anjaam Kaisa Hua?
40
Aur Un Main Se Kuch Toh Aise Hain Ke Is Par Eemaan Le Aate Hain Aur Kuch Aise Hain Ke Eemaan Nahi Late. Aur Tumahra Parwardigaar Shareeroun Se Khoob Waqif Hai.
41
Aur Agar Ye Tumhari Takzeeb Karain Toh Keh Do Ke Mujh Ko Mere Aamaal Ka Badla Mile Ga, Aur Tum Ko Tumhare Aamaal Ka, Tum Mere Aamaaloun Ke Jawab Deh Nahi Ho, Aur Main Tumhare Aamaal Ka Jawab Deh Nahi Hoon.
42
Aur Un Main Se Baaz Aise Hain Ke Tumhari Taraf Kaan Lagate Hain Toh Kia Tum Behroun Ko Sunao Ge? Agarcha Kuch Bhi Sunte Samajhte Na Houn.
43
Aur Baaz Aise Hain Ke Tumhari Taraf Daikhte Hain. Toh Kia Tum Andhoun Ko Raasta Dikhaao Ge? Agarcha Kuch Bhi Daikhte Bhaalte Na Houn.
44
Khdua Toh Lougon Par Kuch Zulm Nahi Kartam Lekin Loug Hi Apne Aap Par Zulm Karte Hain.
45
Aur Jis Din Khuda Un Ko Jamaa Kare Ga To Wo Dunia Ki Nisbat Aisa Khayaal Karen Ge Ke Goya Wahan Ghari Bhar Din Se Ziada Rahe Hi Nahi The, Aur Aapas Main Aik Doosre Ko Shanaakht Bhi Karen Ge. Jin Lougon Ne Khuda Ke Ru Baru Haazir Hone Ko Jhutlaya Wo Khasare (Loss) Main Par Gaye Aur Raah Yaab Na Hue.
46
Aur Agar Ham Koi Azaab Jis Ka Un Lougon Se Waada Karte Hain Tumhari Aankhooun Ke Saamne Nazil Karain, Ya Us Waqt Jab Tumhari Muddat-E-Hayat Poori Kar Dain, Toh Un Ko Hamare Hi Paas Lout Kar Aana Hai , Phir Joh Kuch Ye Kar Rahe Hain Khuda Us Ko Daikh Raha Hai.
47
Aur Har Aik Ummat Ki Taraf Paigambar Bhaija Gaya. Jab Un Ka Paigambar Aata Hai Toh Us Main Insaaf Ke Sath Faisla Kar Dia Jata Hai, Aur Un Par Kuch Zulm Nahi Kia Jata.
48
Aur Yeh Kehte Hain Ke Agar Tum Sacche Ho Toh Jis Azaab Ka Ye Waada Hai Wo Aaye Ga Kab?
49
Keh Do Ke Main Toh Apne Nuqsaan Aur Faaide Ka Bhi Kuch Ikhtiyaar Nahi Rakhta. Magar Joh Khuda Chaahe. Har Aik Ummat Ke Liye Mout Ka Aik Waqt Muqarrar Hai. Jab Wo Waqt Aa Jata Hai Toh Aik Ghari Bhi Dair Nahi Kar Sakte, Aur Na Jaldi Kar Sakte Hain.
50
Keh Do Ke Bhala Daikho Toh Agar Is Ka Azaab Tum Apr Naa Gahaan Aa Jaye, Raat Ko Ya Din Ko, Toh Phir Gunnah Gar Kis Baat Ki Jaldi Karain Ge.
51
Kia Jab Wo Aa Waqe Hoga Tab Us Par Eemaan Laao Ge? Us Waqt Kaha Jaye Ga Ke Aur Ab Eemaan Laaye? Issi Ke Liye Toh Tum Jaldi Machaya Karte The.
52
Phir Zaalim Lougon Se Kaha Jaaye Ga Ke Azaab-E-Daaimi (Dair Tak Rehne Waala Azab) Ka Mazah Chakho. Ab Tum Unhi Aamaal Ka Badla Paaow Ge Joh Dunia Main Karte Rahe.
53
Aur Tum Se Daryaaft Karte Hain Ke Aaya Ye Sach Hai. Keh Do Haan Khuda Ki Qasam Sach Hai, Aur Tum Bhaag Kar Khuda Ko Aajiz Nahi Kar Sako Gi.
54
Aur Agar Har Aik Nafarmaan Shakhs Ke Pas Roo-E-Zameen Ki Tamaam Cheezain Houn, Toh Azaab Se Bachne Ke Baddle Main Sab De Daale, Aur Jab Wo Azaab Ko Daikhain Ge Toh Pachtaayen Ge Aur Nidamat Ko Chupaaye Ge. Aur Un Main Insaaf Ke Sath Faisla Kar Dia Jaye Ga Aur Kisi Tarha Ka Un Par Zulm Nahi Hoga.
55
Sun Rakho Ke Joh Kuch Aasmaanoun Aur Zameen Main Hai Sab Khuda Hi Ka Hai. Aur Ye Bhi Sunn Rakho ,Ke Khdua Ka Waada Sacha Hai Lekin Aksar Loug Nahi Jaante.
56
Wo Hi Jaan Bakhashta Aur Wo Hi Mout Deta Hai, Aur Tum Loug Ussi Ki Taraf Lout Kar Jaao Ge.
57
Logo Tumahre Paas Tumahre Parwardigar Ki Taraf Se Naseehat Aur Diloun Ki Bimaariyoun Ki Shafa Aur Mominoun Ke Liye Hidayat Aur Rehmat Aa Pohonchi Hai.
58
Keh Do Ke Ye Kitaab-E-Khuda Ke Fazal Aur Us Ki Meherbaani Se Naazil Hue Hai, Toh Chahaiye Ke Loug Is Se Khush Houn. Ye Us Se Kahin Behtar Hai Joh Wo Jama Karte Hain.
59
Kaho Ke Bhala Daikho Toh Khuda Ne Tumahre Liye Joh Rizq Nazil Farmaya, Toh Tum Ne Us Main Se Baaz Ko Haraam Tehraaya Aur Baaz Ko Halaal ,Un Se Poocho Kia Khuda Ne Tum Ko Is Ka Hukum Dia Hai Ya Toh Khuda Par Iftiraa Karte Ho.
60
Aur Joh Loug Khuda Par Iftiraa Karte Hain Wo Qiamat Ke Din Ki Nisbat Kia Khayal Rakhte Hain? Be Shak Khuda Lougon Par Meherbaan Hai Lekin Aksar Loug Shukar Nahi Karte.
61
Aur Tum Jis Haal Main Hote Ho ,Ya Quran Main Se Kuch Parhte Ho Ya Tum Loug Koi Aur Kaam Karte Ho, Jab Us Main Masroof Hote Ho , Ham Tumhare Saamne Hote Hain, Aur Tumahre Parwardigaar Se Zarra Barabar Bhi Koi Cheez Poshida Nahi Hai Na Zameen Main Aur Na Aasmaan Main, Aur Na Koi Cheez Us Se Choti Hai Ya Bari Magar Kitaab-E-Roshan Main Likhi Hui Hai.
62
Sunn Rakho Ke Joh Khuda Ke Dost Hain Un Ko Na Kuch Khof Hoga Aur Na Wo Gam Naak Hounge.
63
Yaani Wo Joh Eemaan Laye Aur Parhaizgaar Rahe.
64
Un Ke Liye Dunia Ki Zindagi Main Bhi Basharat Hai, Aur Aakhrat Main Bhi. Khdua Ki Baatian Badalti Nahi. Ye Hi Toh Bari Kaamyaabi Hai.
65
Aur Ae Paigambar S.A.W. Un Lougon Ki Batoun Se Aazooda Na Hona Kion Ke Izzat Sab Khuda Hi Ki Hai, Wo Sab Kuch Sunta Aur Jaanra Hai.
66
Sun Rakho Ke Joh Makhlooq Aasmaanoun Main Hai Aur Joh Zameen Mai Hai Sab Khuda Hi Ke Bande Aur Us Ke Mamlook Hain. Aur Ye Joh Khuda Ke Siwa Apne Banaye Hue Shareekoun Ko Pukaarte Hain.Wo Kisi Aur Cheez Ke Peeche Nahi Chalte. Sirf Zann Ke Peeche Chalte Hain Aur Mehez Athkalain Dora Rahe Hain.
67
Wo Hi Toh Hai Jis Ne Tumhare Liye Raat Banai Taa-Ake Us Main Aaraam Karo Aur Roz-E-Roshan Banaya Taa-Ake Us Main Kaam Karo Joh Loug Maada-E-Saamaat (Sunn-Ne Ki Salahiyat) Rakhte Hain Un Ke Liye In Main Nishaaniya Hain.
68
Baaz Loug Kehte Hain Ke Khuda Ne Beta (Son) Bana Liya Hai. Us Ki Zaat Aulaad Se Paak Hai ,Aur Wo Be Niyaaz Hai. Joh Kuch Aasmaanoun Main Hai Aur Joh Kuch Zameen Main Hai Wo Sab Usssi Ka Hai, Ae Iftiraa Pardaazo Tumahre Paas Is Qoul-E-Baatil( Jhoot Baat) Ki Koi Daleel (Evidence) Nahi Hai.Tum Khuda Ki Nisbat Aisi Bat Kion Kehte Ho Joh Jante Nahi.
69
Keh Do Joh Loug Khuda Par Jhoot Baandhte Hain Falaah Nahi Paye Ge.
70
Un Ke Liye Joh Faaide Hain Dunia Main Hain Phir Un Ko Hamari Hi Taraf Lout Kar Aana Hai.Us Waqt Ham Un Ko Azaab-E-Shadeed Ke Maze Chakhayen Ge, Kion Ke Kufur Ki Baatain Kia Karte The.
71
Aur Un Ko Nooh Ka Qisaa Parh Kar Suna Do. Jab Unhoun Ne Apni Qoum Se Kaha Ke Ae Qoum! Agar Tum Ko Mera, Tum Main Rehna, Aur Khuda Ki Aayatoun Se Naseehat Karna Nagawaar Ho ,Toh Main Toh Khuda Par Bharosa Rakhta Hoon. Tum Apne Shareekoun Ke Sath Mill Kar Aik Kaam Joh Mere Bare Main Karna Chaho Muqarrar Kar Lo, Aur Wo Tumhari Tamaam Jamaat Ko Maloom Ho Jaye Aur Kisi Se Poshida Na Rahe Phir Wo Kaam Mere Haq Main Kar Guzro Aur Mujhe Mohlat Na Do.
72
Aur Agar Tum Ne Moonh Phair Liya, Toh Tum Jaante Ho Ke Main Ne Tum Se Kuch Moaawza Nahi Manga. Mera Moaawza Toh Khuda Ke Zimme Hai. Aur Mujhe Hukum Hua Hai Ke Main Farmanbardaaroun Main Rahoon.
73
Lekin Un Lougon Ne Un Ki Takzeeb Ki Toh Ham Ne Un Ko Aur Joh Loug Un Ke Sath Kashti Main Sawaar The, Sab Ko Toofaan Se Bacha Liya Aur Unhain Zameen Main Khaleefa Bana Dia ,Aur Jin Lougon Ne Hamari Aayatoun Ko Jhutlaya Un Ko Garq Kar Dia, Toh Daikh Lo Ke Joh Loug Daraaye Gaye The Un Ka Kaisa Anjaam Hua.
74
Phir Nooh Ke Baad Ham Ne Aur Paigambar Apni Apni Qoum Ki Taraf Bhaije. Toh Wo Un Ke Paas Khuli Nishaniyaa Le Kar Aaye. Magar Wo Loug Aise Na The Ke Jis Cheez Ki Pehle Takzeeb Kar Chuke The Us Par Eemaan Le Aate. Issi Tarha Ham Ziadti Karne Waloun Ke Diloun Par Mohar Laga Dete Hain.
75
Phir Un Ke Baad Ham Ne Moosa A.S. Ko Apni Nishaaniyan De Kar Firown Aur Us Ke Sardaaroun Ke Pas Bhaija, Toh Unhoun Ne Takkabbur Kia Aur Wo Gunnehgaar Loug The.
76
Toh Jab Un Ke Paas Hamare Haan Se Haq Aaya Toh Kehne Lage Ke Ye Toh Sareeh Jaadu Hai.
77
Moosa Ne Kaha Kia Tum Haq Ke Bare Mian Jab Wo Tumahre Pas Aaya, Ye Kehte Ho Ke Ye Jadu Hai. Haalanke Jaadugar Falaah Nahi Paane Ke.
78
Wo Bole Kia Tum Hamare Paas Is Liye Aye Ho Ke Jis Raah Par Ham Apne Baap Dada Ko Paate Rahe Hain, Us Se Ham Ko Phair Do. Aur Is Mulk Main Tum Dono Ki Hi Sardaari Ho Jaye Aur Ham Tum Par Eemaan Laane Wale Nahi Hain.
79
Aur Firown Ne Hukum Dia Ke Sab Kaamil-E-Fun Jaadugaroun Ko Hamare Paas Le Aao.
80
Jab Jadugar Aaye Toh Moosa Ne Un Se Kaha Ke Joh Tum Ko Daalna Ho Daalo.
81
Jab Unhoun Ne Apni Rassiyoun Aur Laathiyoun Ko Daala Toh Moosa Ne Kaha Ke Joh Cheezain Tum Bana Kar Laaye Ho Jadu Hai, Khuda Is Ko Abhi Naist-O-Nabood Kar De Ga. Khuda Shareeeroun Ke Kaam Sanwara Nahi Karta.
82
Aur Khuda Apne Hukum Se Sach Ko Sach Hi Kar De Ga Agarcha Gunnehgaar Bura Hi Maanain.
83
Toh Mussa Par Koi Eemaan Na Laaya. Magar Us Ki Qoum Main Se Chand Larke Aur Wo Bhi Firown Aur Us Ke Ehl-E-Darbaar Se Darte Darte, Ke Kahin Wo Un Ko Aafat Main Na Phansa De. Aur Firown Mulk Main Mutakabbir-O-Muttgallib Aur Kibr-O-Kufur Main Had Se Bara Hua Tha.
84
Aur Moosa Ne Kaha Ke Qoum! Agar Tum Khuda Par Eemaan Laye Ho Toh Agar Dil Se Farmanbardaar Raho Toh Ussi Par Bharosa Rakho.
85
Toh Wo Bole Ke Ham Khuda Hi Par Bharosa Rakhte Hain. Ae Hamare Parwardigaar Ham Ko Zaalim Lougon Ke Hath Se Aazmaaish Main Na Daal.
86
Aur Apni Rehmat Se Qoum-E-Kuffaar Se Nijaat Bakhash.
87
Aur Ham Ne Mooosa Aur Us Ke Bhai Ki Taraf Wahi Bhaiji Ke Apne Lougon Ke Liye Misr (Egypt) Main Ghar Banao , Aur Apne Gharoun Ko Qibla Yaani Masjidain Tehraao Aur Namaz Parho . Aur Momino Ko Khushkhabri Suna Do.
88
Aur Moosa Ne Kaha Ae Hamare Parwardigaar Tu Ne Firown Aur Us Ke Sardaaroun Ko Dunia Ki Zindagi Main Bohot Sa Saaz-O-Barg Aur Maal-O-Zarr De Rakha Hai. Ae Parwardigaar In Ka Maal Yeh Hai Ke Tere Raste Se Gumraah Kar Dain. Ae Parwardigaar In Ke Maal Ko Barbaad Kar De, Aur In Ke Diloun Ko Sakht Kar De, Ke Eemaan Na Laayen Jab Tak Azaab-E-Aleem Na Daikh Lain.
89
Khuda Ne Farmaya Ke Tumhari Dua Qabool Kar Li Gai, Toh Tum Sabit Qadam Rehna Aur Be Aqloun Ke Raste Na Chalna.
90
Aur Ham Ne Bani Israail Ko Darya Se Paar Kar Dia, To Firown Aur Us Ke Lashkar Ne Sar Kashi Aur Taaddi Se Un Ka Taaqqub Kia. Yahan Tak Ke Jab Us Ko Gharq Ke Azaab Ne Aa Pakra Toh Kehne Laga Ke Main Eemaan Laaya, Ke Jis Khuda Par Bani Israail Eemaan Laye Hain , Us Ke Siwa Koi Maabood Nahi Aur Main Farmabardaaroun Main Hoon.
91
Jawab Mila, Ke Ab Eemaan Laata Hai , Halaanke Tu Pehle Nafarmaani Karta Raha Aur Muffsid Bana Raha.
92
Toh Aaj Ham Tere Badan Ko Darya Se Nikaal Lain Ge Taa-Ake Tu Pichloun Ke Liye Ibbrat Ho. Aur Bohot Se Loug Hamari Nishaniyoun Se Be Khabar Hain.
93
Aur Ham Ne Bani Israail Ko Rehne Ko Umda Jaga Di, Aur Khaane Ko Paakeeza Cheezain Ata Ki , Lekin Wo Bawajood Ilm Hasil Hone Ke Ikhtilaaf Karte Rahe. Be Shak Jin Batoun Main Wo Ikhtilaaf Karte Rahe Hain Tumhara Parwardigaar Qiamat Ke Din Un Main Un Batoun Ka Faisla Kar De Ga.
94
Agar Tum Is Kitab Ke Bare Main Joh Ham Ne Tum Par Naazil Ki Hai, Kuch Shak Ho Toh , Joh Loug Tum Se Pehle Ki Utri Hui Kitaabain Parhte Hian Un Se Pooch Lo. Tumhare Parwardigaar Ki Taraf Se Tumahre Paas Haqq Aa Chukka Hai , Toh Tum Har Gizz Shak Karne Waloun Main Na Hona.
95
Aur Na Un Lougon Main Hona Joh Khuda Ki Aayatoun Ki Takzeeb Karte Hain, Nahi Toh Nuqsaan Uthao Ge.
96
Jin Lougon Ke Bare Main Khuda Ka Hukum-E-Azaab Qaraar Pa Chukka Hai Wo Eemaan Nahi Lane Ke.
97
Jab Tak Ke Azaab-E-Aleem Na Daikh Lain, Khuah Un Ke Pas Har Tarha Ki Nishani Aa Jaye.
98
Toh Koi Basti Aisi Kion Na Hui Ke Eemaan Lati, Toh Us Ka Eemaan Usse Nafa Deta, Haan Younus Ki Qoum. Ke Jab Eemaan Laayi Toh Ham Ne Dunia Ki Zindagi Main Un Se Zillat Ka Azaab Door Kar Dia Aur Aik Muddat Tak Fawaaid-E-Duniawi Se Un Ko Behra Mand Rakha.
99
Aur Agar Tumhara Parwardigar Chahta Toh Jitney Loug Zameen Main Hain Sab Ke Sab Eemaan Le Aate.Toh Kia Tum Lougon Par Zabardasti Karna Chahate Ho Ke Wo Momin Ho Jayen.
100
Halaanke Kisi Shakhs Ko Qudrat Nahi Hai Ke Khuda Ke Hukum Ke Bagair Eemaan Laye. Aur Joh Loug Be Aqal Hain Un Par Wo Kufur-O-Zillat Ki Nijasat Daalta Hai.
101
Un Kuffar Se Kaho, Ke Daikho Toh, Aasmanoun Aur Zameen Main Kia Kia Kuch Hai. Magar Joh Loug Eemaan Nahi Rakhte Unki Nishaniyan Aur Daraawe Kuch Kaam Nahi Aate.
102
So Jaise Bure Din Un Se Pehle Lougon Par Guzar Chuke Hain Ussi Tara Ke Dinoun Ke Ye Muntazir Hai.Keh Do Ke Tum Bhi Intizaar Karo .Main Bhi Tumahre Sath Intizar Karta Hoon.
103
Aur Ham Apne Paigambaroun Ko Aur Momino Ko Nijaat Dete Rahe Hain.Issi Tarha Hamara Zimma Hai Ke Muslamaanoun Ko Nijaat Dain.
104
Ee Paigambar S.A.W. Keh Do Ke Logo ,Agar Tum Ko Mere Deen Main Kisi Tarha Ka Shak Ho ,Toh Sunn Rakho Ke Jin Lougon Ki Tum Khuda Ke Siwa Ibadat Karte Ho Main Un Ki Ibadat Nahi Karta. Balke Main Khuda Ki Ibadat Karta Hoon Joh Tumahrai Roohain Qabz Kar Leta Hai ,Aur Mujh Ko Ye Hi Hukum Hua Hai Ke Eemaan Lane Waloun Main Hoon.
105
Aur Ye Ke Ae Muhammad S.A.W. Sab Se Yaksoo Ho Kar Deen-E-Islaam Ki Pairwi Kiye Jao. Aur Mushrikoiun Main Har Gizz Na Hona.
106
Aur Khuda Ko Chor Kar Aisi Cheez Ko Na Pukarna Joh Na Tumhara Kuch Bhala Kar Sake Aur Na Kuch Bigaar Sake. Agar Aisa Karo Ge Toh Zaalimoun Main Ho Jao Ge.
107
Aur Agar Khuda Tum Ko Koi Takleef Pohonchaye, Toh Us Ke Siwa Us Ka Koi Door Karne Wala Nahi , Aur Agar Khuda Tum Se Bhalai Karni Chahe Toh Us Ke Fazal Ko Koi Rokne Wala Nahi. Wo Apne Bandoun Main Jisse Chahta Hai Faaida Pohonchata Hai ,Aur Wo Bakhashne Wala Meherbaan Hai.
108
Keh Do Ke Lougo Tumhare Parwardigaar Ke Haan Se Tumahre Pas Haqq Aa Chukka Hai , Toh Joh Koi Hidayat Haasil Karta Hai Toh Hidayat Se Apne Hi Haq Main Bhalai Karta Hai. Aur Joh Gumraahi Ikhtiyar Karta Hai Toh Gumraahi Se Apna Hi Nuqsaan Karta Hai. Aur Main Tumhara Wakeel Nahi Hoon.
109
Aur Ae Paigambar S.A.W. Tum Ko Joh Hukum Bhaija Jaata Hai Us Ki Pairwi Kiye Jao Aur Taklefoun Par Sabar Karo Yahan Tak Ke Khuda Faisla Kar De.Aur Wo Sab Se Behtar Faisla Karne Wala Hai.
SADAQALLAH-UL-AZEEM