02) Sura-e-Baqara Madina mai Nazil hui, is mai doso-cheyasi (286) Aayatain hain

(Sura-e-Baqara Madina mai Nazil hui, is mai doso-cheyasi (286) Aayatain hain)

1
Alif Laam Meem.
2
Yeh Kitaab Quraan- E -Majeed Is Main Kuch Shak Nahi Ke Kalaam-E-Allah Hai .Allah Se Darne Wallon Ki Rahnuma Hai.
3
Joh Gaib Par Imaan Laate Aur Adab Ke Sath Namaaz Parhte Aur Joh Kuch Ham Ne In Ko Ataa Farmaya Hai Us Main Se Kharch Karte Hain.
4
Aur Joh Kitaab (Ae Mohammad Sall Allah-O-Alaih-E-Wasallam) Tum Par Naazil Hui Aur Joh Kitaabain Tum Se Pehle Pagaimbaron Par Nazil Hueen Sab Par Emaan Laate Aur Aakhrat Ka Yakeen Rakhte Hain.
5
Yeh Hi Log Apne Parwardigaar Ki Tararf Se Hidayat Par Hain Aur Yeh Hi Nijaat Pane Wale Hain.
6
Joh Loug Kaafir Hain Unhain Tum Naseehat Karo, Ya Na Karo Un Ke Liye Barabar Hai Woh Eemaan Nahi Laane Ke.
7
Allah Ne Un Ke Diloun Aur Kaanoun Par Mohor Laga Rakhi Hai Aur Un Ki Aankhon Par Parda Para Hua Hai Aur Un Ke Liye Bara Azaab Taiyaar Hai.
8
Aur Baaz Loug Aise Hain Joh Kehte Hain Ke Ham Allah Par Aur Roz-E-Aakhrat Par Eemaan Rakhte Hain ,Haalaanke Woh Eemaan Nahi Rakhte Hain.
9
Yeh Apne (Pinddaar Main) Allah Ko Aur Mouminoun(Momin) Ko Chakma Dete Hain Magar Haqeeqat Main Apne Siwa Kisi Ko Chakma Nahi Dete Aur Is Se Bekhabar Hain.
10
In Ke Diloun(Hearts) Main Kufar Ka Marz Tha.Allah Ne Un Ka Marz Aur Ziada Kar Dia Aur In Ke Jhoot Bolne Ke Sabab In Ko Dukh Dene Wala Azaab Hoga.
11
Aur Jab Un Se Kaha Jata Hai Ke Zameen Main Fisaad Na Daalo Toh Kehte Hain Ham Toh Islaah Karne Wale Hain.
12
Daikho Yeh Bila Shuba Muffsid(Jhoote ,Fisaadi) Hain, Lekin Khabar Nahi Rakhte.
13
Aur Jab Un Se Kaha Jata Hai Ke Jis Tarha Aur Log Eemaan Le Aye, Tum Bhi Eemaan Le Aao Toh Kehte Hain , Bhala Jis Tarha Bawaqoof Eemaan Le Aaye Hain Ussi Tarha Ham Bhi Eemaan Le Aayen? Sunn Lo Ke Yeh Hi Be Waqoof Hain Lekin Nahi Jaante.
14
Aur Yeh Loug Jab Mominoun Se Milte Hain Toh Kehte Hain Ke Ham Eemaan Le Aaye Hain Aur Jab Apne Shaitaanon Main Jaate Hain Toh Un Se Kehte Hain Ke Ham Tumhare Sath Hain Aur (Rasool Ki Pairwi Karne Walon Se Toh Ham Hansi Kia Karte Hain).
15
In Munafiqon Se Allah Hansi Karta Hai Aur Unhain Mohlat Diye Jaata Hai Ke Shararat-O-Sarkashi Main Pare Behek Rahe Hain.
16
Yeh Woh Loug Hain Jinhoun Ne Hidayat Chor Kar Gumraahi Khareedi Toh ,Na Toh Un Ki Tijaarat Hi Ne Kuch Nafa Dia Aur Na Hi Woh Hidayat Yaab Hi Hue.
17
Un Ki Misaal Us Shakhs Ki Si Hai Ke Jis Ne (Shab-E-Tareek Main) Aag Jalayee Jab Aag Ne Us Ke Irdd Girdd Ki Cheezain Roshan Kee Toh Allah Ne Un Logon Ki Roshni Zaa-Il(Lost) Kar Di Aur Un Ko Andhairon Main Chor Dia Ke Kuch Nahi Daikhte.
18
Yeh Behre Hain ,Goonge Hain,Andhe Hain Ke Kisi Tarha Seedhe Raste Ki Taraf Lout Hi Nahi Sakte.
19
Ya Un Ki Misaal Baarish Ki Si Hai Ke Aasmaan Se Baras Raha Ho Aur Us Main Andhare Par Andhaira Cha Raha Ho Aur Badal Garaj Raha Ho Aur Bijli Karak Rahi Ho, Toh Yeh Karak Se Dar Kar Mout Ke Khof Se Kaanoun Main Ungliyan De Lain Aur Allah Kafiron Ko Har Taraf Se Ghaire Hue Hai.
20
Qareeb Hai Ke Bijli Ki Chamak Un Ki Aankhoun Ki Bisaarat Ko Uchak(Chura) Le Jaaye . Jab Bijli Chamakti Aur Un Par Roshni Daalti Hai Toh Us Main Chal Parte Hain Aur Jab Andhaira Ho Jata Hai Toh Khare Ke Khare Reh Jate Hain Aur Allah Chahta Toh Un Ke Kaanon Ki Sunwaaee Aur Aankhon Ki Binaayee Dono Ko Zaa-Il Kar Deta.Bila Shuba Allah Har Cheez Par Qaadir Hai.
21
Lougo Apne Parwardigaar Ki Ibadat Karo Jis Ne Tum Ko Aur Tum Se Pehle Logoun Ko Paida Kia Taa-Aake Tum Us Ke Azab Se Bacho.
22
Jis Ne Tumhare Liye Zameen Ko Bichona Aur Asmaan Ko Chat(Roof) Banaya Aur Aasmaan Se Barish Barsa Kar Tumhare Khane Ke Liye Annwaa-O-Iqsaan(Different) Ke Maiwe(Dry Fruits) Paida Kiye Pas(Taa-Aake) Kisi Ko Allah Ka Hamsar Na Banao.Aur Tum Jaante Toh Ho.
23
Aur Agar Tum Ko Is Kitaab Main , Joh Ham Ne Apne Bande (Muhammad S.A.W)Par Nazil Farmayee Hai Kuch Shak Ho Toh Usi Tarha Ki Aik Soorah Tum Bhi Bana Laao Aur Allah Ke Siwa Joh Tumhare Madadgaar Houn Un Ko Bhi Bula Lo Agar Tum Sache Ho.
24
Lekin Agar Aisa Na Kar Sako Aur Hargizz Nahi Kar Sako Ge Toh Us Aag Se Daro Jis Ka Eendhan Aadmi Aur Pathar Honge Aur Joh Kaafiron Ke Liye Taiyaar Ki Gai Hai.
25
Aur Joh Log Eemaan Laaye Aur Naik Amal Karte Rahe, Un Ko Khushkhabri Suna Do Ke Un Ke Liye (Naimat)Ke Baagh(Garden) Hain,Jin Ke Neechen Nehrain(Streams) Behh Rahi Hain,Jab Unhain Un Main Se Kisi Qissam Ka Maiwa(Dry Fruit)Khane Ko Dia Jaye Ga Toh Kahain Ge , Yeh Toh Woh Hi Hai Joh Ham Ko Pehle Dia Gaya Tha.Aur Un Ko Aik Doosre Ke Ham Shakal Maiwe Diye Jayen Ge Aur Wahan Un Ke Liye Paak Bibiyan(Wifes)Houn Gi Aur Woh Behishatoun(Jannat)Main Hamesha Rahain Ge.
26
Allah Is Baat Se Aar Nahi Karta Ke Machar Ya Us Se Barh Kar Kisi Cheez (For Example Makkhi Makri Etc) Ki Misaal Biyaan Farmaye, Joh Momin Hain , Woh Yaqeen Karte Hain Ke Woh Un Ke Parwardigaar Ki Taraf Se Sach Hai Aur Joh Kaafir Hain Woh Kehte Hain Ke Is Misaal Se Allah Ki Muraad Hi Kia Hai.Is Se Allah Bohot Se Logon Ko Gummrah Karta Hai Aur Bohoton(Many) Ko Hidayat Bakhashta Hai Aur Gummrah Bhi Karta Hai Toh Nafarmaanon Hi Ko.
27
Joh Allah Ke Iqraar Ko Mazboot Karne Ke Baad Tor Dete Hain Aur Jis Cheez (Means Rishta-E-Qurabat)Ke Jore Rakhne Ka Allah Ne Hukum Dia Hai Us Ko Qitta(Saperate) Kiye Daalte Hain Aur Zameen Main Kharabi Karte Hain Yeh Hi Loug Nuqsaan Uthane Wale Hain.
28
Kaafiro,Tum Allah Se Kion Kar Munkirr(Inkar) Ho Sakte Ho,Jis Haal Main Ke Tum Be Jaan The Toh Us Ne Tum Ko Jaan Bakhshi Phir Wo Hi Tum Ko Maarta Hai Phir Woh Hi Tum Ko Zinda Kare Ga Phir Tum Usi Ki Taraf Lout Kar Jaao Ge.
29
Woh Hi Toh Hai Jis Ne Sab Cheezain Joh Zameen Main Hain Tumhare Liye Paida Ki Phir Aasmaanoun Ki Taraf Mutwajoh (Attention)Hua Toh Un Ko Theek Saat (7) Aasmaan Bana Dia Aur Woh Har Cheez Se Khabar Daar Hai.
30
Aur Woh Waqt Yaad Karne Ke Qaabil Hai Jab Tumhare Parwardigaar Ne Farishtoun Se Farmaya Ke Main Zameen Main Apna Naaib(Messenger) Banaane Wala Hoon ,Unhoun Ne Kaha Kia Tu Is Main Aise Shakhs Ko Naaib Banana Chahata Hai Joh Kharabiyan Kare Aur Kusht-O-Khoon Karta Phire Aur Ham Teri Taaareef Ke Sath Tasbeeh-O-Taqdees Karte Rahte Hain.Allah Ne Farmaya Main Woh Baatain Jaanta Hoon Joh Tum Nahi Jaante.
31
Aur Us Ne Aadam Ko Sab Cheezon Ke Naam Sikhaaye Phir Un Ko Farishton Ke Saamne Kia Aur Farmaya Ke Agar Sache Ho Toh Mujhe Un Ke Naam Bataow.
32
Unhoun Ne Kaha , Tu Paak Hai.Jitna Ilm Tu Ne Hamain Bakhsha Hai, Us Ke Siwa Hamain Kuch Maloom Nahi ,Behsak Tu Daana Aur Hikmat Wala Hai.
33
Tab Allah Ne Aadam Ko Hukum Dia Ke Aadam Tum In Ko Un Cheezon Ke Naam Bataow ,Jab Unhon Ne Un Ko Naam Bataye Toh Farmaya Kion Main Ne Tum Se Nahi Kaha Tha Ke Main Aasmaanon Aur Zameen Ki Sab Poshida(Hidden) Baatain Jaanta Hoon Aur Joh Tum Zaahir Karte Ho Aur Joh Poshida(Hidden) Karte Ho Sab Mujh Ko Maloom Hai.
34
Aur Joh Ham Ne Farishton Ko Hukum Dia Ke Aadam Ke Aage Sajda Karo Toh Woh Sab Sajde Main Girr Pare Magar Shaitan Ne Inkaar Kia Aur Garoor Main Aakar Kafir Ban Gaya.
35
Aur Ham Ne Kaha Ke Ae Aadam Tum Aur Tumhari Biwi Behshat(Jannat-Heaven)Main Raho Aur Jahan Se Chaho Be Rok Touk Khao Piyo, Lekin Is Darakht Ke Paas Na Jaana ,Nahi Toh Zaalimon Main Daakhil Ho Jao Ge.
36
Phir Shaitaan Ne Dono Ko Wahan Se Phusla Dia Aur Jis Aish-O-Nishaat Mein The, Us Se Un Ko Nikawla Dia. Tab Ham Ne Hukum Dia Ke Behshat Bareen Se Chale Jaao ,Tum Aik Doosre Ke Dushman Ho,Aur Tumhare Liye Zameen Main Aik Waqt Tak Thikana(Place) Aur Moaash(Salary)Muqararr Kar Dia Gayi Hai.
37
Phir Aadam Ne Apne Parwardigaar Se Kuch Kalmaat Seekhe Aur Maafi Maangi Toh Us Ne Un Ka Qasoor Maaf Kar Dia ,Beshak Woh Maaf Karne Wala Aur Saahib-E-Rehem Hai.
38
Ham Ne Farmaya Ke Tum Sab Yahan Se Utar Jao Jab Tumhare Paas Meri Taraf Se Hidayat Pohnche Toh Us Ki Pairwi(Follow)Karna, Ke Jinhoun Ne Meri Hidayat Ki Pairwi Ki Un Ko Na Kuch Khof Hoga Aur Na Woh Gamnaak Houn Ge.
39
Aur Jinhoun Ne Us Ko Qabool Na Kia Aur Hamari Aayaton Ko Jhutlaya ,Woh Dozakh Main Jaane Wale Hain,Aur Woh Hamesha Us Main Rahain Ge.
40
Ae Aal-E-Yaqoob(Yaqoob Family)Mere Woh Ehsaan Yaad Karo Joh Main Ne Tum Par Kiye The Aur Us Iqraar Ko Poora Karo Joh Tum Ne Mujhe Se Kia Tha.Main Us Iqraat Ko Poora Karoonga Joh Main Ne Tum Se Kia Tha Aur Mujh Hi Se Darte Raho.
41
Aur Joh Kitaab Main Ne Apne Rasool Mohammad(S.A.W)Par Naazil Ki Hai, Joh Tumhari Kitaab Touraat Ko Sacha Kehti Hai , Us Par Eemaan Laao Aur Us Se Munkir-E-Awwal Na Bano Aur Meri Aayaton Main Tehreef(Changings) Kar Ke Un Ke Badle Thori Si Qeemat Yaani Dunyavi Munaafiat(Profit) Na Haasil Karo, Aur Mujhe Se Khof Rakho.
42
Aur Haq(True) Ko Baatil(False)Ke Sath Na Milaao, Aur Sachi Baat Ko Jaan Boojh Kar Na Chupaao.
43
Aur Namaaz Parha Karo Aur Zakaat Dia Karo Aur Allah Ke Aage Jhukne Waloun Ke Sath Jhuka Karo.
44
Yeh Kia Aqal Ki Baat Hai Ke Tum Logon Ko Naiki Karne Ko Kehte Ho Aur Apne Taaieen(Urself) Faramosh(Bhool) Kiye Dete Ho,Haalaan Ke Tum Kitaab-E-Allah Bhi Parhte Ho.Kia Tum Samajhte Nahi?
45
Aur Ranj-O-Takleef Main Sabar Aur Namaaz Se Madad Liya Karo Aur Be Shak Namaaz Garaan (Hard To Pray) Hai Magar Un Logoun Par Nahi Garaan Joh Ijaz( Aajzi ) Karne Wale Hain.
46
Joh Yaqeen Kiye Hue Hain Ke Woh Apne Parwardigaar Se Milne Waale Hain Aur Us Ki Taraf Lout Kar Jaane Waale Hain.
47
Ae Yaqoob Ki Aulaad! Mere Woh Ehsaan Yaad Karo,Joh Main Ne Tum Par Kiye The Aur Yeh Ke Main Ne Tum Ko Jahaan(World)Ke Logoun Par Fazeelat Bakhshi Thi.
48
Aur Uss Din(Qiamat) Se Daro Jab Koi Kisi Ke Kuch Bhi Kaam Na Aaye Aur Na Kisi Ki Sifaarish Manzoor Ki Jaye Aur Na Kisi Se Kisi Tarha Ka Badla Qabool Kia Jaye Aur Na Loug Kisi Aur Tarha Madad Hasil Kar Sakain.
49
Aur Hamare Un Ehsaanaat Ko Yaad Karo Jab Ham Ne Tum Ko Qoum-E-Firown Se Nijaat(Mukhlasi) Bakhshi Woh Loug Tum Ko Bara Dukh Dete The Tumhare Baiton (Son) Ko Toh Qatal Kar Daalte The Aur Betiyon(Daughters) Ko Zinda Rehne Dete The Aur Us Main Tumhare Parwardigaar Ki Taraf Se Bari Sakht Aazmaaish Thi.
50
Aur Jab Ham Ne Tumhare Liye Darya Ko Phaar Dia Toh Tum Ko Toh Nijaat Di Aur Firown Ki Qoum Ko Garaq Kar Dia Aur Tum Daikh Hi Toh Rahe The.
51
Aur Jab Ham Ne Moosa Se Chaalees(Forty) Raat Ka Waada Kia Toh Tum Ne Un Ke Peeche Bachre Ko Maabood Muqarrar Kar Liya Aur Tum Zulm Kar Rahe The.
52
Phir Us Ke Baad Ham Ne Tum Ko Maaf Kar Dia, Taa-Ake Tum Shukar (Thanks) Karo.
53
Aur Jab Ham Ne Moosa Ko Kitaab Aur Mooujze Inayat Kiye ,Taa-Ake Tum Hidayat Haasil Karo.
54
Aur Jab Moosa Ne Apni Qoum Ke Logon Se Kaha Ke Bhaaiyo Tum Ne Bachre Ko Maabood Tehraaane Main Bara Zulm Kia Hai ,Toh Apne Paida Karne Wale Ke Aage Touba Karo Aur Apne Taieen(Yourself) Halaak Kar Daalo.Tumhare Khaaliq Ke Nazdeek Tumhare Haq Main Yeh Hi Behtar Hai.Phir Us Ne Tumhara Qasoor Moaaf Kar Dia.Woh Beshak Moaaf Karne Wala Aur Saahib-E-Rehem Hai.
55
Aur Jab Tum Ne Moosa Se Kaha Ke Moosa ,Jab Tak Ham Allah Ko Saamne Na Daikh Lain Ge,Tum Par Eemaan Nahi Laayyen Ge,Toh Tum Ko Bijli Ne Aa Ghaira Aur Tum Daikh Rahe The.
56
Phir Mout Aa Jaane Ke Baad Ham Ne Tum Ko Azz Sir-E-Nou Zinda Kar Dia Taa-Ake Ehsaan Maano.
57
Aur Baadal Ka Tum Par Saaya Kiye Rakha Aur Tumhare Liye Mann-O-Salwa Utaarte Rahe Ke Joh Paakeeza Cheezain Ham Ne Tum Ko Ata Farmaayee Hain, Un Ko Khaao Piyo Magar Tumhare Buzurgon Ne In Naimaton Ki Kuch Qadar Na Jaani (Aur) Woh Hamara Kuch Nahi Bigaarte The Balke Apna Hi Nuqsaan Karte The.
58
Aur Jab Ham Ne Un Se Kaha Ke Is Gaaoun(Village) Main Daakhil Ho Jaao Aur Us Main Jahan Se Chaaho, Khoob Khaao Piyo Aur Daikhna Darwaaze Main Daakhil Hona Toh Sajda Karna Aur Hittatun Kehna, Ham Tumhare Gunnah Moaaf Kar Dainge Aur Naiki Karne Waalon Ko Aur Ziada Dainge.
59
Toh Joh Zaalim The,Unhon Ne Is Lafz Ko,Jis Ka Un Ko Hukum Dia Tha,Badal Kar Us Ki Jagah Aur Lafz Kehna Shroo Kia,Pas Ham Ne Un Zaalimoun Par Aasmaan Se Azaab Naazil Kia,Kiyon Ke Nafarmaaniyan Kiye Jaate The.
60
Aur Jab Moosa Ne Apni Qoum Ke Liye Allah Se Paani Maanga Toh Ham Ne Kaha Ke Apni Laathi Pathar Par Maaro. Unhon Ne Laathi Maari Toh Phir Us Main Se Baara(12) Chashme Phooot Nikle, Aut Tamaam Logoun Ne Apna Apna Ghaat Maloom Kar Ke Paani Pee Liya.Ham Ne Hukum Dia Ke Allah Ki Ata Farmaayee Hui Rozi Khaao Aur Piyo , Magar Zameen Main Fisaad Na Karte Phirna.
61
Aur Jab Tum Ne Kaha Ke Moosa Ham Se Aik Hi Khaane Par Sabar Nahi Ho Sakta Toh Apne Parwardigaar Se Dua Kijiye Ke Tarkaari Aur Kakri Aur Gaihoon Aur Masoor Aur Piyaaz Wagaira Joh Nabataat Zameen Se Ugti Hain, Hamare Liye Paida Kar De. Unhon Ne Kaha Ke Bhala Umda Cheezain Chor Kar Un Ke Badle Naaqis Cheezain Kion Chahte Ho.Agar Yeh Hi Cheezain Matloob Hain Toh Kisi Sheher Main Ja Utro,Wahan Joh Maangte Ho, Mill Jaye Ga. Aur Aakhir Kaar Zillat-O-Ruswayee Aur Mohtaaji-O-Be Nawaai Un Se Chimta Di Gai Aur Woh Allah Ke Gazab Main Giriftaar Ho Gaye.Yeh Is Liye Ke Woh Allah Ki Aayaton Se Inkaar Karte The Aur Us Ke Nabiyon Ko Nahaqq Qatal Kar Dete The.Yaani Yeh Isliye Ke Nafarmaani Kiye Jaate Aur Had Se Barhe Jaate The.
62
Joh Loug Musalmaan Hain Ya Yahoodi Ya Eesaayee Ya Sitara Parast (Different Relegious) Yaani Koi Shakhs Kisi Qoum-O-Mazhab Ka Ho, Joh Allah Aur Roz-E-Qiamat Par Eemaan Laaye Ga Aur Amal Naik Kare Ga,Toh Aise Logoun Ko Un Ke Aamaal Ka Sila Allah Ke Haan Mile Ga Aur Qiamat Ke Din Un Ko Na Kisi Tarha Ka Khof Hoga Aur Na Woh Gham Naak Honge.
63
Aur Jab Ham Ne Tum Se Ehed Kar Liya Aur Koh-E-Toor Ko Tum Par Utha Khara Kia Aur Hukum Dia Ke Joh Kitaab Ham Ne Tum Ko Di Hai, Us Ko Zor Se Pakre Raho, Aur Joh Us Main Likha Hai, Use Yaad Rakho, Taa-Ake Azaab Se Mehfooz Raho.
64
Toh Tum Us Ke Baad Ehed Se Phir Gaye Aur Agar Tum Par Allah Ka Fazal Aur Us Ki Meherbaani Na Hoti Toh Tum Khasaare(Loss)Main Par Gaye Hote.
65
Aur Tum Un Logon Ko Khoob Jante Ho, Joh Tum Main Se Hafte Ke Din Machli Ka Shikaar Karne Main Had Se Tajawuzz Kar Gaye The, Toh Ham Ne Un Se Kaha Ke Zaleel-O-Khuaar Bandar Ho Jao.
66
Aur Us Qisse Ko Us Waqt Ke Logoun Ke Liye Aur Joh Un Ke Baad Aane Waale The Ibrat, Aur Parhaiz Gaaron Ke Liye Naseehat Bana Dia.
67
Aur Jab Moosa Ne Apni Qoum Ke Logoun Se Kaha Ke Allah Tum Ko Hukum Deta Hai Ke Aik Bail Zibbah Karo. Woh Bole, Kia Tum Ham Se Hansi Karte Ho. Moosa Ne Kaha Ke Main Allah Ki Panah Maangta Hoon Ke Nadaan Banoon.
68
Unhon Ne Kaha Apne Parwardigaar Se Iljitja Kijiye Ke Woh Hamain Yeh Bataye Ke Woh Bail Kis Tarha Ka Ho.Moosa Ne Kaha Parwardigaar Farmaata Hai Ke Woh Bail Na Toh Booraha Ho Aur Na Bachra,Balke Un Ke Darmiyaan Yaani Jawaan Ho. So Jaisa Tum Ko Hukum Dia Gaya Hai, Waisa Karo.
69
Unhoun Ne Kaha Apne Parwardigaar Se Darkhuaast(Request) Kijiye Ke Ham Ko Yeh Bhi Bata De Ke Us Ka Rang Kaisa Ho. Moosa Ne Kaha , Parwardigaar Fermata Hai Ke Us Ka Rang Gehra Zard Ho Ke Daikhne Walon Ke Dil Ko Khush Kar Deta Ho.
70
Unhon Ne Kaha. Ab Ke Parwardigaar Se Phir Darkhuash Kijiye Ke Ham Ko Bata De Ke Woh Aur Kis Kis Tarha Ka Ho, Kiyon Ke Bohot Se Bail Hamain Aik Doosre Ke Mushaabeh(Similler)Maloom Hote Hain,Phir Allah Ne Chaha Toh Hamain Theek Baat Maloom Ho Jaye Gi.
71
Moosa Ne Kaha Ke Allah Fermata Hai Ke Woh Bail Kaam Main Laga Hua Na Ho, Na Toh Zameeen Jout-Ta Ho Aur Na Khaiti Ko Paani Deta Ho.Us Main Kisi Ka Daagh Na Ho. Kehne Lage, Ab Tum Ne Sab Baatain Durust Bata Deen.Garz Bari Mushkil Se Unhon Ne Us Bail Ko Zibaah Kia,Aur Woh Aisa Karne Wale The Nahi.
72
Aur Jab Tum Ne Aik Shakhs Ko Qatal Kia, Toh Us Main Baaham Jhagrne Lage. Lekin Joh Baat Tum Chupa Rahe The, Allah Us Ko Zaahir Karne Wala Tha.
73
Toh Ham Ne Kaha Ke Us Bail Ka Koi Sa Tukra Maqtool Ko Maaro. Us Tarha Allah Murdon(Dead)Ko Zinda Karta Hai Aur Tum Ko Apni Qudrat Ki Nishaniyaan Dikhata Hai Taa-Ake Tum Samjho.
74
Phir Us Ke Baad Tumhare Dil Sakht Ho Gaye.Goya Woh Pathar Hain Ya Un Se Bhi Ziada Sakht Aur Pathar Toh Baaz Aise Hote Hain Ke Un Main Se Chashme Phoot Nikalte Hain, Aur Baaz Aise Hote Hain Ke Phat Jaate Hain, Aur Un Main Se Paani Nikalne Lagta Hai, Aur Baaz Aise Hote Hain Ke Allah Ke Khof Se Girr Parte Hain, Aur Allah Tumhare Aamaal Se Be Khabar Nahi.
75
Momino Kia Tum Umeed Rakhte Ho Key Yeh Loug Tumhare Deen Ke Qaail Ho Jayen Ge, Haalaanke Un Main Se Kuch Loug Kalam-E-Allah Yaani Touraat Ko Sunte,Phir Us Ke Samjh Lene Ke Baaad Us Ko Jaan Boojh Kar Badal Dete Rahe Hain.
76
Aur Yeh Loug Joh Mominoun Se Milte Hain Toh Kehte Hain, Ham Eemaan Le Aye Hain. Aur Jis Waqt Apas Main Aik Doosre Se Milte Hain Toh Kehte Hain, Joh Baat Allah Ne Tum Par Zaahir Farmaaiye Hai, Woh Tum Un Ko Is Liye Bataye Dete Ho Ke Qiamat Ke Din Usi Ke Hawale Se Tumhare Parwardigaar Ke Saamne Tum Ko Ilzaam Dain. Kia Tum Samajhte Nahi?
77
Kia Yeh Loug Yeh Nahi Jaante Ke Joh Kuch Yeh Chupaate Aur Joh Kuch Zaahir Karte Hain, Allah Ko Sab Maloom Hai.
78
Aur Baaz In Main An Parh(Uneducated) Hain Ke Apne Khayalaat-E-Baatil Ke Siwa Allah Ki Kitaab Se Waqif Hi Nahi Aur Woh Sirf Zan Se Kaam Lete Hain.
79
Toh Un Logoun Par Afsos Hai Joh Apne Hath Se Toh Kitaab Likhte Hain Aur Kehte Yeh Hain Ke Allah Ke Paas Se Aye Hai, Taa-Ake Us Ke Iwz(In Return)Thori Si Qeemat Yaani Deenwi Manfiyat Haasil Karen.Un Par Afsos Hai, Is Liye Ke Be Asal Batain Apne Hath Se Likhte Hain Ur Phir Un Par Afsos Hai, Is Liye Ke Aise Kaam Karte Hain.
80
Aur Kehte Hain Ke Dozakh Ki Aag Hamain Chand Roz Ke Siwa Choo Hi Nahi Sake Gi. Un Se Poocho, Kia Tum Ne Allah Se Iqraar Le Rakha Hai Ke Allah Apne Iqraar Ke Khilaaf Nahi Kare Ga. Nahi,Balke Tum Allah Ke Baare Main Aisi Batain Kkehte Ho Jin Ka Tumhain Mutliq(Kuch) Ilm Nahi.
81
Haan Joh Bure Kaam Kare, Aur Us Ke Gunah Har Taraf Se Us Ko Ghair Lain Toh Aise Loug Dozakh Main Jaane Wale Hain Aur Who Hamesha Us Main Jalte Rahain Ge.
82
Aur Joh Eemaan Laayen Aur Naik Kaam Karain, Woh Jannat Ke Maalik Houn Ge Aur Hamesha Us Mai Aish Karte Rahain Ge.
83
Aur Jab Ham Ne Bani Israail Se Ehed Liya Ke Allah Ke Siwa Kisi Ki Ibadat Na Karna Aur Maan Baap Aur Rishta Daaron Aur Yateemon Aur Mohtaajoh Ke Sath Bhalayee Karte Rehna Aur Logun Se Achi Baatain Kehna, Aur Namaz Parhte Aur Zakaat Dete Rehna, Toh Chand(Few) Shakhsoun Ke Siwa Tum Sab Us Ehed Se Moon Phair Kar Phir Baithe(Deny).
84
Aur Joh Ham Ne Tum Se Ehed Liya Ke Apas Main Kusht-O-Khoon Na Karna Aur Apne Ko Un Ke Watan Se Na Nikaalna Toh Tum Ne Iqraar Kar Liya, Aur Tum Is Baat Ke Gawah Ho.
85
Phir Tum Woh Hi Ho Ke Apnon Ko Qatal Bhi Kar Dete Ho Aur Apne Main Se Baaz Logun Par Gunaah Aur Zulm Se Charhayee Kar Ke Unhain Watan Se Nikaal Bhi Dete Ho, Aur Agar Woh Tumhare Paas Qaid Ho Kar Ayen Toh Badla De Kar Un Ko Chura Bhi Lete Ho, Haalane Ua Ka Nikaal Dena Hi Tum Ko Haraam Tha. Yeh Kia Baat Hai Ke Tum Kitaab-E-Allah Ke Baaz Ehkaam Ko Toh Maante Ho Aur Baz Se Inkaar Kiye Dete Ho, Toh Joh Tum Main Se Aisi Harkat Karen, Un Ki Saza Is Ke Siwa Aur Kia Ho Sakti Hai Ke Dunia Ki Zindagi Main Toh Ruswayee Ho Aur Qiamat Ke Din Sakht Se Sakht Azaab Main Daal Diye Jayen Aur Joh Kaam Tum Karte Ho, Allah Us Se Gaafil Nahi.
86
Yeh Woh Loug Hain Jinhon Ne Aakhrat Ke Badle Dunia Ki Zindagi Khareedi. So Na Toh Un Se Azaab Hi Halka Kia Jaye Ga Aur Na Un Ko Aur Tarha Ki Madad Mile Gi.
87
Aur Ham Ne Moosa Ko Kitaab Inayat Ki Aur Un Ke Peeche Yak-E-Baad(One After One) Deeegare Paigambar Bhaijte Rahe Aur Eesa-Ibn-E-Maryam Ko Khulle Nishanaat Bakhse Aur Rooh-Ul-Quddus Yaani Jibraaeel Se Un Ko Madad Di. Toh Jab Koi Paigambar Tumhare Paas Aisi Baatian Le Kar Aye, Jin Ko Tumhara Ji Nahi Chahata Tha, Toh Tum Sarkash Ho Jate Rahe, Aur Aik Girroh (Group Of Aambiya)Ko Toh Jhutlaate Rahe Aur Aik Girroh(Group) Ko Qatal Karte Rahe.
88
Aur Kehte Hain, Hamare Dil Parde Main Hain. Nahi, Balke Allah Ne Un Ke Kufur Ke Sabab Un Par Laanat Kar Rakhi Hai. Pas Ye Thore Hi Par Eemaan Late Hain.
89
Aur Jab Allah Ke Haan Se Un Ke Paas Kitaab Aayee Joh Un Ki Aasmaani Kitaab Ki Bhi Tasdeeq Karti Hai, Aur Woh Pehle Hamesha Kaafiron Par Fatah Maanga Karte The, Toh Jis Cheez Ko Woh Khoob Pehcante The, Jab Un Ke Paas Aa Pohonchi Toh Us Se Kaafir Ho Gaye. Pas Kaafiroun Par Allah Ki Laanat.
90
Jis Cheez Ke Badle Unhoun Ne Apne Taieen(Themselves) Baich(Sell) Daala, Woh Bohot Buri Hai, Yaani Is Jalan Se, Ke Allah Apne Bandon Main Se Jis Par Chahta Hai, Apni Meherbani Nazil Se Fermata Hai. Allah Ki Naazil Ki Hui Kitaab Se Kufur Karne Lage Toh Woh Us Ke Gazab Baalaaye Gazab Main Mubtila Ho Gaye. Aur Kaafiron Ke Liye Zaleel Karne Wala Azaab Hai.
91
Aur Jab Un Se Kaha Jata Hai Ke Joh Kitaab Allah Ne Ab Nazil Farmayee Hai, Us Ko Maano. Toh Kehte Hain Ke Joh Kitaab Ham Par Pehle Naazil Ho Chuki Hai, Ham Toh Usi Ko Maante Hain. Yaani Us Ke Siwa Kisi Aur Kitaab Ko Nahi Maaante , Halaanke Woh Sra Sar Sachi Hai Aur Joh Un Ki Aasmaani Kitaab Hai, Us Ki Bhi Tasdeeq Karti Hai. Un Se Keh Do Ke Agar Tum Sahib-E-Eemaan Hote Toh Allah Ke Paigambaroun Ko Pehle Hi Kiyon Qatal Kia Karte.
92
Aur Moosa Tumhare Paas Khule Hue Moojzaat Le Kar Aaye Toh Tum Un Ke Koh-E-Toor Par Jaane Ke Baad Bachre Ko Mabood Bana Baithe Aur Tum Apne Hi Haq Main Zulm Karte The.
93
Aur Jab Ham Ne Tum Logoun Se Ehed Waasiq Liya Aur Koh-E-Toor Ko Tum Par Utha Khara Kia Aur Hukum Dia, Ke Joh Kitaab Ham Ne Tum Ko Di Hai, Us Ko Zor Se Pakro Aur Joh Tumhain Hukum Hota Hai Us Ko Suno, Toh Woh, Joh Tumhare Bare The Kehne Lage Ke Ham Ne Sunn Toh Liya Lekin Maante Nahi. Aur Un Ke Kufur Ke Sabab Bachra(Goyaa)Un Ke Dilon Main Rach Gaya Tha. Ae Paigambar Un Se Keh Do Ke Agar Tum Momin Ho Toh Tumhare Eemaan Tum Ko Buri Baat Bataata Hai.
94
Keh Do Ke Agar Akhrat Ka Ghar Aur Logoun Yaani Musalmanon Ke Liye Nahi Aur Allah Ke Nazdeek Tumhare Hi Liye Makhsoos Hai Toh Agar Sache Ho Toh Mout Ki Aarzoo Toh Karo.
95
Lekin Un Amaal Ki Wajha Se, Joh Un Ke Hath Aage Bhaij Chuke Hain, Yeh Kabhi Us Ki Aarzoo Nahi Karen Ge, Aur Allah Zaalimoon Se Khoob Waaaqif Hai.
96
Balke Un Ko Tum Aur Logoun Se Zindagi Ke Kaheen Harees Daikho Ge, Yahan Tak , Ke Mushrikon Se Bhi. Un Main Se Har Aik Ye Hi Khuahish Karta Hai Ke Kaash Woh Hazaar Baras Jeeta Rahe, Magar Itni Lambi Umar Us Ko Mill Bhi Jaye Toh Usse Azaab Se Toh Nahi Chura Sakti. Aur Joh Kaam Yeh Karte Hain, Allah Un Ko Daikh Raha Hai.
97
Keh Do Ke Joh Shakhs Jibraail Ka Dushman Ho Us Ko Gusse Main Mar Jana Chahiye Us Ne Toh Ye Kitaab Allah Ke Hokum Se Tumhare Dil Par Naazil Ki Hai Joh Pehli Kitaaboun Ki Tasdeeq Karti Hai, Aur Eemaan Walon Ke Liye Hidayat Aur Bishataat Hai.
98
Joh Shakhs Allah Ka Aur Us Ke Farishtoun Aur Us Ke Paigambaron Ka Aur Jibrail Aur Meekaail Ka Dushman Ho Toh Aise Kaafiron Ka Allah Dushman Hai.
99
Aur Ham Ne Tumhare Paas Suljhi Hui Aayatain Irsaal (Send) Farmayee Hain, Aur Un Se Inkaar Woh Karte Hain Joh Bad Kirdaar Hain.
100
Un Logoun Ne Jab Jab Allah Se Ehed Wasiq Kia Toh Un Main Se Aik Fareeq Ne Us Ko Kisi Cheez Ki Tarha Phaink Dia . Haqeeqat Yeh Hai Ke In Main Aksar Be Eemaan Hain.
101
Aur Jab Un Ke Paas Allah Ki Taraf Se Paighambar-E-Aakhr-Uz-Zamaan Aaye, Aur Woh Un Ki Aasmaani Kitaab Ki Tasdeeeq Bhi Karte Hain Toh Jin Logoun Ko Kitaab Di Gai Thi, Un Main Se Aik Jamaat Ne Allah Ki Kitaab Ko Peeth Peeche Phaink Dia , Goya Woh Jante Hi Nahi.
102
Aur Un (Hazliyaat)Ke Peeche Lag Gaye Ho, Joh Sulaimaan Ke Ehed-E-Saltanat Main Shaiyateen Parha Karte The Aur Sulaimaan Ne Mutliq Kufur Ki Baat Nahi Ki, Balke Shaitaan Hi Kufur Karte The ,Ke Logoun Ko Jaadoo Sikhate The, Aur Un Baton Ke Bhi Peeche Lag Gaye Joh Sheher-E-Babul Main Do Farishtonn Yaani Haroot Aur Maroot Par Utri Theen. Aur Woh Dono Kisi Ko Kuch Nahi Sikhaate The, Jab Tak Ye Na Keh Dete Ke Ham Toh Zariya-E-Aazmaaish Hain. Tum Kufur Main Na Paro. Garaz Loug Un Se Aisa Jaado Seekhe, Jis Se Miyan Biwi(Husband Wife) Main Judayee Daal Dain Aur Allah Ke Hukum Ke Saiwa Woh Us Jadu Se Kisi Ka Kuch Bhi Bigaar Nahi Sakte The. Aur Kuch Aise Mantar Seekhte Joh Un Ko Nuqsaan Hi Pohonchate Aur Faaida Kuch Na Dete . Aur Woh Jaante The Ke Joh Shakhs Aisi Cheezon Yaani Seher Aur Mantar Wagaira Ka Khareedaaar Hoga, Us Ka Aakhrat Main Kuch Hissa Nahi.Aur Jis Cheez Ke Iwz(Inreturn) Uhon Ne Apni Jaanoun Ko Baich Daala, Woh Buri Thi, Kaash Woh Is Baat Ko Jaante.
103
Aur Agar Woh Eemaan Late Aur Parhaiz Gaari Karte Toh Allah Ke Han Se Bohot Acha Sila Milta . Ae Kaash , Woh Is Se Waqif Hote.
104
Ae Ehl-E-Eemaan (Guftugo Ke Waqt Paigambar-E-Allah Se)Raa Ae Na(Raaie Na Is An Arabic Word) Na Kaha Karo.Unnzurna(Arabic Word) Kaha Karo . Aur Khoob Sunn Rakho, Aur Kafiroun Ke Liye Laakh Dukh Dene Wala Azaab Hai.
105
Joh Loug Kaafir Hain, Ehl-E-Kitaab Ya Mushrik, Woh Is Baat Ko Pasand Nahi Karte, Ke Tum Par Tumhare Parwardigaar Ki Taraf Se Khair-O-Barkat Naazil Ho. Aur Allah Toh Jis Ko Chahta Hai, Apni Rehmat Ke Sath Khaas Kar Leta Hai Aur Allah Bare Fazal Ka Malik Hai.
106
Ham Jis Aayat Ko Mansookh Kar Dete Ya Usse Faramosh Kara Dete Hain Toh Us Se Behtar Ya Waisi Hi Aur Aayat Bhaij Dete Hain. Kia Tum Nahi Jaante Ke Allah Har Baat Par Qaadir Hai.
107
Tumhain Maloom Nahi Ke Aasmaanon Aur Zameen Ki Baadshaahat Allah Hi Ki Hai, Aur Allah Ke Siwa Tumhara Koi Dost Aur Madadgaar Nahi.
108
Kia Tum Yeh Chahte Ho Ke Apne Paigambar Se Usi Tarha Ke Sawal Karo, Jis Tarha Ke Sawal Pehle Moosa Se Kiye Gaye The. Aur Jis Shakhs Ne Eemaan Chor Kar Us Ke Badle Kufur Liya , Woh Seedhe Raste Se Bhatak Gaya.
109
Bohot Se Ehl-E-Kitaab, Apne Dil Ki Jalan Se, Yeh Chahte Hain Ke Eemaan La Chukne Ke Baad, Tum Ko Phir Kaafir Bana Dain, Haalaanke Un Par Haq(Truth) Zahir Ho Chukka Hai. Toh Tum Moaaf Kar Do Aur Dar Guzar Karo. Yahan Tak Ke Allah Apna Doosra Hukum Bhaije. Be Shak Allah Har Bat Par Qaadir Hai.
110
Aur Namaaz Ada Karte Raho Aur Zakaat Dete Raho. Aur Joh Bhi Bhalayee Apne Liye Aage Bhaij Rakho Ge, Us Ko Allah Ke Haan Paalo Ge, Kuch Shak Nahi Ke Allah Tumhare Sab Kaamon Ko Daikh Raha Hai.
111
Aur Yahoodi Aur Eesaayee Kehte Hain Ke Yahoodiyon Aur Eesaaiyon Ke Siwa Koi Behshat(Heaven) Main Nahi Jaane Ka.Yeh Un Logoun Ke Khayalat-E-Batil Hain. Ae Paghambar Un Se Keh Do, Ke Agar Sachhe Ho Toh Daleel Paish Karo.
112
Haan Joh Shakhs Allah Ke Aage Garden Jhuka De Yaani Eemaan Le Aaye, Aur Woh Naik-O-Kaar Bhi Ho, Toh Us Ka Sila Us Ke Parwardigaar Ke Paas Hai, Aur Woh Aise Logoun Ko Qiamat Ke Din, Na Kisi Tarhaa Ka Khof Hoga Aur Na Woh Ghamnaak Houn Ge.
113
Aur Yahodi Kehte Hian Ke Eesaayee Raste Par Nahi Aur Eesaayee Kehte Hain Ke Yahoodi Raste Par Nahi. Halaanke Woh Kitaab-E-Ilaahi Parhte Hain. Isi Tarha Bilkul Unhi Ki Si Baat Woh Loug Kehte Haih Joh Kuch Nahi Jaante Yaani Mushrik ,Toh Jis Baat Main Yeh Loug Ikhtilaaf Kar Rahe Hain Allah Qiamat Ke Din ,Us Ka ,Un Main Faisala Kar De Ga.
114
Aur Us Se Barh Kar Zaalim Koun , Joh Allah Ki Masjidon (Mosque)Main Allah Ke Naam Ka, Zikar Kiye Jaane Ko Mana Kare Aur Un Ki Weeraani Main Saayee Ho. Un Logon Ko Kuch Haq Nahi Ke Un Main Daakhil Houn, Magar Darte Hue,Un Ke Liye Dunia Main Ruwswayee Hai Aur Aakhrat Main Bara Azaaab.
115
Aur Mashriq Aur Magrib Sab Allah Hi Ka Hai. Toh Jidhar Tum Rukh Karo, Udhar Allah Ki Zaat Hai .Be Shak Allah Sahib-E-Wussaat Aur Ba Khabar Hai.
116
Aur Yeh Loug Is Baat Ke Qaail Hain Ke Allah Aulaad Rakhta Hai . Nahi Woh Paak Hai, Balke Joh Kuch Aamsanon Aur Zameen Main Hai, Sab Usi Ka Hai Aur Sab Usi Ke Farmaabardaar(Obedient) Hain.
117
Woh Hi Aasmaanon Aur Zameen Ka Paida Karne Wala Hai. Jab Koi Kaam Karna Chahta Hai Toh Us Ka Irshaad Farma Deta Hai, Ke Ho Ja ,Toh Woh Ho Jata Hai.
118
Aur Joh Loug Kuch Nahi Jaante Yaani Mushrik , Woh Kehte Hain Ke Allah Ham Se Kalaam Kiyoun Nahi Karta.Ya Hamare Paas Koi Nishani Kiyon Nahi Aati. Issi Tarha Joh Loug Un Se Pehle The, Woh Bhi Unhi Ki Si Baatain Kia Karte The. Un Logoun Ke Dil Apas Main Milte Julte Hain.Joh Loug Sahib-E-Yaqeen Hain, Un Ke Samjhane Ke Liye Ham Ne Nishaniyan Biyaan(Explain) Kar Di Hain.
119
Ae Mohammad Ham Ne Tum Ko Sachayee Ke Saath Khush Khabri Sunaane Wala Aur Daraane Wala Bana Kar Bhaija Hai. Aur Ehl-E-Dozakh Ke Bare Main Tum Se Kuch Purrsish(Inquiry) Nahi Hogi.
120
Aur Tum Se Na Toh Yahoodi Kabhi Khush Honge Aur Na Eesaayee, Yahan Tak Ke Un Ke Mazhab Ki Pairwi Ikhtiyaar Kar Lo. Un Se Keh Do Ek Allah Ki Hidayat Yaani Deen-E-Islaam Hi Hidayat Hai. Aur Ae Paigambar Agar Tum Apne Paas Ilm Yaani Wahi-E-Allah Ke Aajaane Par Bhi Un Ki Kuhaahishoun Par Chalo Ge Toh Tum Ko Azaab-E-Allah Se Bachane Wala Na Koi Dost Hoga Aur Na Koi Madadgaar.
121
Jin Logoun Ko Ham Ne Kitaab Inayat Ki Hai, Woh Us Ko Aise Parhte Hain Jaisa Us Ko Parhne Ka Haq Hai. Yeh Hi Loug Us Par Eemaan Rakhne Wale Hain, Aur Joh Us Ko Nahi Maante , Woh Khasara(Loss) Paane Wale Hain.
122
Ae Bani Israeel! Mere Woh Ehsaan Yad Karo, Joh Main Ne Tum Par Kiye Aur Yeh Ke Main Ne Tum Ko Ehl-E-Alam Par Fazeelat Bakhsi.
123
Aur Us Din Se Daro Jab Koi Shakhs Kisi Shakhs Ke Kuch Kaam Na Aye, Aur Na Us Se Badla Qabool Kia Jaye Aur Na Us Ko Kisi Ki Sifarish Kuch Faaida De Aur Na Logoun Ko Kisi Aur Tarha Ki Madad Mill Sake.
124
Aur Jab Parwardigar Ne Chand(Few) Baatoun Main Ibrahin Ki Aazmaish Ki Toh Woh Un Main Poore Utre . Allah Ne Kaha Ke Main Tum Ko Logoun Ka Paishwa Banaoon Ga. Unhoun Ne Kaha Ke Parwardigaar Meri Aulad Main Se Bhi Paishwa Baaiyo. Allah Ne Faramaya Ke Hamara Iqraar Zalimon Ke Liye Nahi Hua Karta.
125
Aur Jab Ham Ne Khana-E-Kaaba(Makkah) Ko Logoun Ke Liye Jama Hone Aur Aman(Peace) Paane Ki Jaga Muqarar Kia Aur Hukum Dia Ke Jis Maqaam Par Ibraheen Khare Hue The, Us Ko Namaz Ki Jagha Bana Lo. Aur Ibraheem Aur Ismaail Ko Kaha Ke Tawaaf Karne Waloun Aur Aitkaaf Karne Walon Aur Rukoo Karne Waaloun Aur Sajda Karne Waaloun Ke Liye Mere Ghar Ko Paak Saaf Rakha Karo.
126
Aur Jab Ibraheen Ne Dua Ki Ke Ae Parwardigaar , Is Jagha Ko Aman Ka Sheher Bana Aur Is Ke Rehne Waaloun Main Se Joh Allah Par Aur Roz-E-Aakhrat Par Eemaan Laayain, Un Ke Khaane Ko Mewe(Dry Fruits) Ata Farma, Toh Allah Ne Farmaya Ke Joh Kaafir Hoga, Main Us Ko Bhi Kisi Qadar Mutmatte Karoonga , Magar Phir Us Ko Azaab Dozakh Ke Bhugatne Ke Liye Lachaar Karoonga, Aur Woh Buri Jagha Hai.
127
Aur Jab Ibrahim Aur Ismail Bait-Ul-Llah(Bait Allah) Ki Buniyaadain Oonchi Kar Rahe The Toh Dua Kiye Jaate The Ke Ae Hamare Parwardigaar, Ham Se Yeh Khidmat Qabool Farma . Beshak Tu Sun-Ne Wala Aur Jaan-Ne Wala Hai.
128
Ae Parwardigaar, Ham Ko Apna Farmaabardaar Banaye Rakhiyo.Aur Hamari Aulaad Main Se Bhi Aik Giroh(Group) Ko Apna Mutee Banate Rehiyo, Aur Parwardigaar Hamain Hamare Tareeqa-E-Ibadat Bata Aur Hamare Haal Par Rehem Ke Sath Tawajoh(Attention) Farma. Beshak Tu Tawajoh Farmane Wala Meherbaan Hai.
129
Ae Parwardigaar, Un Logoun Main Un Hi Main Se Aik Paighambar Maboos Kijiyo Joh Un Ko Teri Aayatain Parh Parh Kar Sunaya Kare Aur Kitaab Aur Daanayee(Intillegenc)Sikhaya Kar E Aur Un Ke Diloun Ko Paak Saaf Kia Kare. Be Shak Tu Gaailb Aur Sahib-E-Hikmat Hai.
130
Aur Ibraahim Ke Deen Se Koun Roo Gardani(Refuse) Kar Sakta Hai, Bajuz(Siwaye) Us Ke Joh Nihayat Nadan Ho.Ham Ne Un Ko Dunia Main Bhi Muntakhib Kia Tha Aur Aakhrat Main Bhi Who Zumra-E-Sulaah Main Se Honge.
131
Jab Un Se Un Ke Parwardigaar Ne Farmaya Ke Islaam Le Aao Toh Unhon Ne Arz Ki Ke Man Rab-Ul-Aalmeen Ke Aage Sar Itaat(Obey) Kham(Jhukata)Karta Hoon.
132
Aur Ibrahin Ne Apne Baiton Ko Isi Bat Ki Wasiyat Ki Aur Yaqoob Ne Bhi Apne Farzindon(Son) Se Yeh Hi Kaha Ke Beta Allah Ne Tumhare Liye Yeh Hi Deen Pasand Farmaya Hai Tum Marna Toh Musalmaan Hi Marna.
133
Bhala Jis Waqt Yaqoob Wafaat Pane(Near To Death) Lage Toh Tum Us Waqt Mojood The, Jab Unhon Ne Apne Beton(Son) Se Pooocha Ke Mere Baad Tum Kis Ki Ibadat Karo Ge, Toh Unhon Ne Kaha Ke Aap Ke Mabood Aur Ap Ke Baap Dada Ibrahim Aur Ismail Aur Ishaaq Ke Mabood Ki Ibadat Karen Ge Joh Mabood Yakta(One)Hai Aur Ham Usi Ke Hukum Bardar Hain.
134
Yeh Jamaat Guzar Chuki. Un Ko Un Ke Amaal(Deeds) Ka Badla Mile Ga Aur Tum Ko Tumahre Amaal Ka Aur Joh Amal Woh Karte The Un Ki Purrsissh Tum Se Nahi Hogi.
135
Aur Yahoodi Aur Eesaayee Kehte Hain Ke Yahoodi Ya Eesaayee Ho Jao To Seeedhe Raste Par Lag Jaao. Ae Paigharmbar Un Se Keh Do , Nahi Balke Ham Deen-E-Ibraheem Ikhtiyaar Kiye Hue Hain Joh Aik Allah Ke Ho Rahe The Aur Mushrikoun Main Se Na The.
136
Muslamano! Kaho Ke Ham Allah Par Eemaan Laaye Aur Joh Kitaab Ham Par Utri, Us Par Aur Joh Saheefe Ibrahin Aur Ismaail Aur Ishaaq Aur Yaqoob Aur Un Ki Aulad Par Nazil Hue Un Par ,Aur Joh Kitabain Moosa Aur Eesaa Ko Ata Hueen, Un Par, Aur Joh Aur Paigambaron Ko Un Ke Parwardigaar Ki Taaraf Se Mileen, Un Par Sab Par Eemaan Laye Hum Un Paigambaron Main Se Kisi Main Kuch Farq Nahi Karte Aur Ham Usi Allah-E-Waahid(One) Ke Farmaanbardaar Hain.
137
Toh Agar Yeh Loug Bhi Usi Tarha Eemaan Le Aayen Jis Tarha Tum Eemaan Le Aye Ho Toh Hidayat Yaab Ho Jaayen Aur Agar Moon Phair Lain Aur Na Maane Toh Woh Tumhare Mukhalif Hain Aur Un Ke Muqaable Main Tumhain Allah Kaafi Hai. Aur Woh Sunnne Wala Aur Jaannne Wala Hai.
138
Keh Do Ke Ham Ne Allah Ka Rang Ikhtiyaar Kar Liya Hai Aur Allah Se Behtar Rang Kisi Ka Ho Sakta Hai. Aur Ham Usi Ki Ibaadat Karne Wale Hain.
139
Un Se Kaho, Kia Tum Allah Ke Bare Main Ham Se Jhagarte Ho, Haalaanke Wohi Hamara Aur Tumhara Parwardigaar Hai Aur Ham Ko Hamare Aamaal Ka Badla Mile Ga Aur Tum Ko Tumhare Aamaal Ka Aur Ham Khaas Usi Ki Ibadat Karne Wale Hain.
140
Ae Yahood-O-Nasaara Kia Tum Us Baat Ke Qaail Ho Ke Ibrahim Aur Ismaail Aur Ishaaq Aur Yaqoob Aur Un Ki Aulad Yahoodi Ya Eesaayee Thi. Ae Muhammad S.A.W Un Se Kaho Ke Phir Tum Ziada Jaante Ho Ya Allah? Aur Is Se Barh Kar Zaalim Koun Hai, Joh Allah Ki Shahadat Ko, Joh Us Ke Paas Kitaab Main Mojood Hai Chupaye. Aur Joh Kuch Tum Loug Kar Rahe Ho, Allah Us Se Gaafil Nahi.
141
Yeh Jamaat Guzarr Chuki.Un Ko Woh Mile Ga Joh Unhon Ne Kia, Aur Tum Ko Woh Joh Tum Ne Kia. Aur Joh Amal Woh Karte The, Un Ki Pursissh Tum Se Nahi Hogi.
142
Ehmaq (Fool) Loug Kahain Ge Ke Muslamaan Jis Qible Par Pehle Se Chale Aate The Ab Us Se Kion Moon Phair Baithe. Tum Keh Do Ke Mashriq Aur Magrib Sab Khdua Hi Ka Hai. Woh Jis Ko Chahta Hai, Seedhe Raste Pe Chalata Hai.
143
Aur Isi Tarha Ham Ne Tum Ko Ummat-E-Motadill(Moderat) Banaya Hai, Taa-Ake Tum Logoun Par Gawah Bano Aur Paigaambar-E- Aakhir-U-Zaamaan Tum Par Gawah Banain. Aur Jis Qible Par Tum Pehle The, Us Ko Ham Ne Isliye Muqarrar Kia Tha Ke Maloom Karain, Ke Koun Hamare Paigambar Ka Taabe (Obedient) Rehta Hai, Aur Koun Ulte Paaoun Phir Jata Hai. Aur Yeh Baat Yaani Tehweel-E-Qibla Logon Ko Giraan Maloom Hui, Magar Jin Ko Allah Ne Hidayat Bakhshi Woh Isse Giraan Nahi Samajhe Aur Allah Aisa Nahi Ke Tumhare Eemaan Ko Yoounhi Kho De. Allah Toh Logoun Par Bara Meherbaan Aur Sahib-E-Rehmat Hai.
144
Ae Muhammad Ham Tumhara Aasmaan Ki Taraf Moon Phair Phair Kar Daikhna, Daikh Rahe Hain. So Ham Tum Ko Usi Qible Ki Taraf Jis Ko Tum Pasand Karte Ho, Moon Karne Ka Hukum Dainge Toh Apna Moon Masjid-E-Haraam Yaani Khaaan-E-Kaaba Ki Taraf Phair Lo. Aur Tum Log Jahan Hua Karo, Namaz Parhne Ke Waqt Usi Masjid Ki Taraf Moon Kar Liya Karo. Aur Jin Logon Ko Kitaab Di Gai Hai, Woh Khoob Jaante Hain Ke Naya Qibla Un Ke Parwardigaar Ki Taraf Se Haq Hai. Aur Joh Kaam Yeh Log Karte Hain, Allah Un Se Be Khabar Nahi.
145
Aur Agar Tum Un Ehl-E-Kitaab Ke Paas Tamaam Nishaniyan Bhi Le Kar Aao, Toh Bhi ,Yeh Tumhare Qible Ki Pairvi Na Karen.Aur Tum Bhi Un Ke Qible Ki Pairvi Karne Waale Nahi Ho. Aur Un Main Se Bhi Baaz, Baaz Ke Qible Ke Pairwah Nahi . Aur Agar Tum Ba Wajood Us Ke Ke Tumhare Paas Daanish Yaani Wahi-E-Allah Aa Chuki Hai, Un Ki Khuahish Ke Peeche Chalo Ge Toh Zaalimon Main Daakhil Ho Jao Ge.
146
Jin Logon Ko Ham Ne Kitaab Di Hai, Woh In Aakhir Paigambar-E-Aakhir-Uz-Zamaa Ko Is Tarha Pehchante Hain, Jis Tarha Apne Baiton Ko Pechana Karte Hain, Magar Aik Fareeq Un Main Se Sachi Baat Ko Jaan Boojh Kar Chupa Raha Hai.
147
Ae Paigambar, Yeh Naya Qibla Tumhare Parwardigaar Ki Taraf Se Haq Hai Toh Tum Har Gizz Shak Karne Walon Main Na Hona.
148
Aur Har Aik Firqe Ke Liye Aik Simt(Direction) Muqarrar Hai Jidhar Woh Ibaadat Ke Waqt Moon Kia Karte Hain. Toh Tum Naikiyon Main Sabqat Haasil Karo. Tum Jahan Ho Ge Allah Tum Sab Ko Jama Kar Le Ga. Beshak Allah Har Cheez Par Qaadir Hai.
149
Aur Tum Jahaan Se Niklo, Namaz Main Apna Moon Masjid-E-Mohtaram Ki Taraf Kar Liya Karo, Be Shak Woh Tumhare Parwardigaar Ki Taraf Se Haq Hai. Aur Tum Log Joh Kuch Karte Ho.Allah Us Se Be Khabar Nahi.
150
Aur Tum Jahan Se Niklo Masjid-E-Mohtaram Ki Taraf Moon Karke Namaaz Parha Karo. Aur Musalmano! Tum Jahaan Hua Karo, Usi Masjid Ki Taraf Rukh Kia Karo. Ye Takeed Isliye Ki Gai Hai Ke Log Tum Ko Kisi Tarha Ka Ilzaam Ne De Sakain. Magar Un Main Se Joh Zaalim Hain, Woh Ilzaam Dain Toh Dain So Un Se Mat Darna Aur Mujh Se Darte Rehna. Aur Yeh Bhi Maqsood Hai Ke Main Tum Ko Apni Tamaam Naimatain Bakhsoon Aur Yeh Bhi Ke Tum Raah-E-Raast Par Chalo.
151
Jis Tarha (Minjamla Aur Naimaton Ke) Ham Ne Tum Main Tum Hi Main Se Aik Rasool Bhaije Hain, Joh Tum Ko Hamari Aayatain Parh Parh Kar Sunate, Aur Tumhain Paak Banaate Aur Kitaab Yaani(Quraan)Aur Daanayee Sikhate Hain,Aur Aisi Batain Batate Hain, Joh Tum Pehle Nahi Jaante The.

152
So Tum Mujhe Yaad Kia Karo. Main Tumhain Yaad Kia Karoon Ga. Aur Mera Ehsaan Maante Rehna Aur Na Shukri Na Karma.

 153
Ae Eemaan Walo Sabar Aur Namaaz Se Madad Liya Karo Be Shak Allah Sabar Karne Walon Ke Sath Hai.

154
Aur Joh Log Allah Ki Raah Main Mare Jaayain Un Ki Nisbat Yeh Na Kehna Ke Woh Mare Hue Hain Woh Murda Nahi Balke Zindaa Hain Lekin Tum Nahi Jaante.

155
Aur Ham Kisi Qadar Khof Aur Bhook Aur Maal Aur Jaanoun Aur Maiwoun Ke Nuqsaan Se Tumhari Aazmaaish Karain Ge
Toh Sabar Karne Walon Ko Allah Ki Khusnoodi Ki Basharat(News) Suna Do.

156
In Logon Par Jab Koi Museebat Nazil Hoti Hai Toh Kehte Hain Ke Ham Allah Hi Ka Maal Hain Aur Ussi Ki Taraf Lout Kar Jaane Wale Hain.

157
Yeh Hi Loug Hain Jin Par Un Ke Parwardigaar Ki Meherbaani Aur Rehmat Hai. Aur Yeh Hi Seedhe Raste Par Hain.

158
Be Shak Koh-E-Safa Aur Marwa Allah Ki Nishaaniyon Main Se Hain. Toh Joh Shakhs Khaana-E-Kaaba Ka Haj Ya Umarah Kare Us Par Kuch Gunnah Nahi Ke ,Dono Ka Tawaaf Kare. Balke Tawaaf Aik Qisam Ka Naik Kaam Hai. Aur Joh Koi Naik Kaam Kare Toh Allah Qadar Shanaas Aur Dana Hai.

159
Joh Log Hamare Hukmoun Aur Hidayatoun Ko Joh Ham Ne Naazil Ki Hain Kisi Garz-E-Faasid Se Chupate Hain Bawajood Yeh Ke Ham Ne Un Logon Ke Samjhane Ke Liye Apni Kitaab Main Khol Khol Kar Biyaan Kar Dia Hai. Aison Par Allah Aur Tamaam Laanat Karne Wale Laanat Karte Hain.

160
Haan Joh Touba Karte Hain Aur Apni Haalat Drust Kar Laete Aur Ehkaam-E-Ilaahi Ko Saaf Saaaf Bayaan Kar Dete Hain Toh Main Un Ke Qasoor Moaaf Kar Deta Hoon Aur Main Bara Moaaf Karne Wala Aur Rehem Wala Hoon.

161
Joh Log Kaafir Hue Aur Kafir Hi Mare Aison Par Khduda Ki Aur Farishton Ki Aur Logon Ki Sab Ki Laanat.

162
Woh Hamaisha Isi Laanat Main Giriftaar Rahain Ge. Un Se Na Toh Azaab Halka Hi Kia Jaye Ga Aur Na Unhain Kuch Mohlat Mile Gi.

163
Aur Logo Tumhara Maabood Allah-E-Waaahid Hai  Is Bare Meherbaan Aur Rehem Waale Ke Siwa Koi Ibadat Ke Laaiq Nahi.

164
Be Shak Aasmaanon Aur Zameen Ke Paida Karne Main Aur Raat Din Ke Aik Doosre Ke Peeche Aane Jaane Main Aur Kashtiyon Aur Jahaazon Main ,Joh Darya Main Logon Ke Faaide Ke Liye Rawaaan Hain Aur Meenh(Rain) Main Jis Ko Allah Aasmaan Se Barsaata Aur Us Se Zameen Ko Marne Ke Baad Zinda Yaani Khushk Hue Peeche Sar Sabz Kar Deta Hai Aur Zameen Par Har Qisam Ke Janwar Phailane Main Aur Hawaaon Ke Chalaane Main Aur Baadlon Main Joh Aasmaan Aur Zameen Ke Darmayaan Ghire Rehte Hain.Aqalmandoun Ke Liye Allah Ki Qudrat Ki Nishaniyan Hain.
165
Aur Baaz Loug Aise Hain Joh Gair Allah Ko Shareek-E-Allah Banate Aur Un Se Allah Ki Si Mohabaat Karte Hain.Lekin Joh Eemaan Wale Hain Woh Toh Allah Hi Ke Sab Se Ziada Dost Daar Hain. Aur Ae Kaash Zalim Loug Joh Baat Azaab Ke Waqt Daikhen Ge Ab Daikh Lete Ke Sab Tarha Ki Taqat Allah Hi Ki Hai, Aur Yeh Ke Allah Sakht Azaab Karne Wala Hai.

166
Us Din Kufar Ke Paisahwa Apne Pairwoun Se Bezaari Zaahir Karen Ge Aur Dono Azaab-E-Elaahi Daikh Lainge Aur Un Ke Apas Ke Taluuqaat Munqataa(Disconnect) Ho Jaye Ge.

167
Yeh Haal Daikh Kar Pairwi  Karne Wale Hasrat Se Kahain Ge Ke Ae Kaash Hamain Phir Dunia Main Jana Naseeb Ho Ta ,Keh Jis Tarha Yeh Ham Se Baizaar Ho Rahe Hain Usi Tarha Ham Bhi In Se Bezaar Houn.Usi Tarha Allah Un Ke Aamaal Unhain Hasrat Bana Kar Dikhaye Ga Aur Woh Dozakh Se Nikal Nahi Sakain Ge.

168
Lougo Joh Cheezain Zameen Main Halaal-E-Taiyab Hain Woh Khaao Aur Shaitaan Ke Qadmon Par Na Chalo. Woh Tumhara Khula Dushman Hai.

169
Woh Tum Ko Burai Aur Be Hayahee Hi Ke Kaam Karne Ko Kehta Hai Aur Yeh Bhi Ke Allah Ki Nisbat Aisi Batain Kaho Jin Ka Tumhain Kuch Bhi Ilm Nahi .

170
Aur Jab Un Logoiun Se Kaha Jata Hai Ke Joh Kitaab Allah Ne Naazil Farmaayee Hai Us Ki Pairwi Karo Toh Kehte Hain Nahi, Balke Ham Toh Usi Cheez Ki Pairwi Karen Ge Jis Par Ham Ne Apne Baap Dada Ko Paaya . Bhala Agarcha Un Ke Baap Dada Na Kuch Samajhte Hon Aur Na Seedhe Raste Par Ho Tab Bhi Woh Unhi Ki Taqleed Kiye Jayen Ge.

171
Joh Loug Kafir Hain Un Ki Misaal Us Shakhs Ki Si Hai Joh Kisi Aisi Cheez Ko Awaaz De, Joh Pukaar Aur Awaz Ke Siwa Kuch Sun Na Sake. Yeh Behre Hain Goonge Hain Andhe Hain, Ke Kuch Samajh Hi Nahi Sakte.

172
Ae Ehle-E-Eemaan Joh Pakeeza Cheezain Ham Ne Tum Ko Ata Farmaayee Hain Un Ko Khao Aur Agar Allah Hi Ke Bande Ho Th Us Ki Naimaton Ka Shukar Bhi Ada Karo.

173
Us Ne Tum Par Mara Hua Janwar Aur Lahoo Aur Sooar (Pigg)  Ka Gosht(Meat)  Aur Jis Cheez Par Allah Ke Siwa Kisi Aur Ka Naam Pukaara Jaye Haraam Kar Dia Hai, Haan Joh Naachaar Ho Jayain Bashart Ye Ke Allah Ki Nafarmani Na Kare Aur Had-E-Zaroorat Se Bahar Na Nikal Jaye Us Par Kuch Gunnah Nahi. Beshak Allah Bakhashne Wala Aur Rehem Karne Wala Hai.

174
Joh Loug Allah Ki Kitaab Se Un Aayaton Aur Hidayaton Ko Joh Us Ne Naazil Farmayee Hain Chupate Aur Un Ke Badle Thori Si Qeemat Yani Dunyavi Munfiyat(Profit) Hasil Karte Hain Woh Apne Paiton Main Mehez Aag Bharte Hain.Aise Lougon  Se Allah Qiamat Ke Din Na Kalaam Kare Ga Aur Na Un Ko Gunahon Se Paak Kare Ga. Aur Un Ke Liye Dukh Dene Wala Azaab Hai.

175
Yeh Woh Loug Hain Jinhon Ne Hidayat Chor Kar Gumrahi Aur Bakhshish Chor Kar Azaab Khareeeda. Yeh Aatish-E-Jahannum Ki Kaisi Bardaasht Karne Wale Hain.

176
Yeh Is Liye Ke Allah Ne Kitaab  Sachyee Ke Sath Nazil Farmayee. Aur Jin Lougon Ne Is Kitaab Main Ikhtailaaf Kia  Woh Zidd Main Aakar Naiki Se Door Ho Gaye Hain.

177
Naiki Yehi Nahi Ke Tum Mashriq Ya Magrib Ko Qibla Samjh Kar Un Ki Taraf Moonh Kar Lo Balke Naiki Yeh Hai Ke Loug Allah Par Aur Roz-E-Aakhrat Par Aur Farishton Par Aut Allah Ki Kitaab Par Aur Paigambron Par Eemaan Laayen. Aur Maal Bawajood Azeez Rakhne Ke Rishta Daaron Aur Yateemon Aur Mohtaajon Aur Musafiron Aur Maangne Walon Ko Dain Aur Gardanoun Ko Churane Main(Matlab Ghulaam Azaad Karwane Main)  Kharch Karain Aur Namaaz Parhain Aur Zakaat Dain . Aur Jab Ehed Kar Lain Toh Us Ko Poora Karain. Aur Sakhti Aur Takleef Main Aur Maarka Kaar Saaz Ke Waqt Sabit Qadam Rahain . Yeh Hi Loug Hain Joh Eemaan Main Sache Hain Aur Yeh Hi Hian Joh Allah Se Darne Wale Hain.

178
Momino! Tum Ko Maqtooloun Ke Baare Main Qassas, Yani Khoon Ke Badle Khoon Ka Hukum Diya Jata Hai Is Tarha Par, Keh Azaad Ke Badle Azaad Mara Jaye, Aur Ghulaam Ke Badle Ghulaam Aur Aurat Ke Badle Aurat Aur Agar Qatil Ko Us Ke Maqtool Bhai Ke Qassaas Main Se Kuch Moaaf Kar Dia Jaye Toh Waaris-E-Maqtool Ko Pasandeeda Tareeq Se Qarraar Daad Ki Pairwi Yaani Mutaalba-E-Khoon Baha Karna Aur Qatil Ko Khush Khoyee Ke Sath Ada Karna Chahiye ,Yeh Parwardigaar Ki Taraf Se Tumhare Liye Asaani Aur Meherbaani Hai Joh Is Ke Baad Ziaadti Kare Us Ke Liye Dukh Ka Azaab Hai.

179
Aur Ae Ehl-E-Aqal Hukum-E-Qassaas Main Tumhari Zindagani He ,Ke Tum Qatlo-O-Khoon Raizi Se Bacho.

180
Tum Par Farz Kia Jata Hai, Ke Jab Tum Main Se Kisi Ko Mout Ka Waqt Aa Jaye Toh Agar Woh Kuch Maal Chor Jaanee Wala Ho Toh Maan Bap Aur Rishta Daaro  Ke Liye Dastoor Ke Mutabiq Wasiyat Kar Jaye Allah Se Darne Walon Par Ye Aik Haq Hai.

 181
Joh Shakhs Wasiyat Ko Sunne Ke Baad Badal Daale Toh Us Ke Badalne Ka Gunnah Unhi Lougon Par Hai Joh Us Ko Badlain . Aur Be Shak Allah Sunta Janta Hai.

172
Agar Kisi Ko Wasiyat Karne Wale Ki Taraf Se Kisi Waris Ki Taraf Daari Ya Haq Talfi Ka Andaisha Ho Toh Agar Woh Wasiyat Ko Badal Kar Waarison Main Sullah Kara De Toh Us Par Kuch Gunnah Nahi . Be Shak Allah  Bakhashne Wala Aur Rehem Wala Hai.

183
Momino! Tum Par Roze Farz Kiye Gaye Hain. Jis Tarha Tum Se Pehle Lougon Par Farz Kiye Gaye The Taa-Ake Tum Paarhaizgaar Bano.

184
Rozon Ke Din, Ginti Ke Chand Roz Hian, Joh Shakhs Tum Main Se Bimaar Ho Ya Safar Main Ho Toh Doosre Dinon Main Rozoun Ka Shumaar Poora Kar Le Aur Joh Loug Roza Rakhne Ki Taaqat Rakhain , Lekin Rakhain Nahi, Toh  Woh Roze Ki Badle Mohtaaj Ko Khana Khila Dain Aur Joh Koi Shoq Se Naiki Kare Toh Us Ke Haq Main Ziada  Acha Hai. Aur Agar Samjho Toh Roza Rakhna Hi Tumharea Haq Main Behtar Hai.

185
Rozoun Ka Maheena(Month) Ramzaan Ka Maheena Hai , Jis Main Quran Awwal Awwal  Nazil Hua ,Joh Lougon Ka Rehnuma Hai Aur Jis Main Hidayaat Ki Khuli Nishaniyan Hain Aur Joh Haq-O-Batil Ko Alag Alag Karne Wala Hai Toh Jon Koi Tum Main Se Is Maheene Main Mojood Ho Chahiye Ke Poore Maheene Ke Roze Rakhe Aur Joh Bimaar Ho Ya Safar Man Ho Toh Doosre Dinoun Main Rakh Kar Un Ka Shumaar Poora Kar Le. Khudda Tumhare Haq Main Asaani Chahta Hai Arur Sakhti Nahi Chahta Aur Ye Aasaani Ka Hukum Is Liye Dia Gaya Hai  Ke Tum Rozon Ka Shumaar Poora Kar Lo Aur Is Ehsan Ke Badle Ke Allah Ne Tum Ko Hidayat Bakhshi Hai Tum Us Ko Buzurgi Se Yaad
Karo Aur Us Ka Shukar Karo.

186
Aur Ae Paigambar Jab Tum Se Mere Bande Mere Bare Main Daryaaft Karain Toh Keh Do Ke Main Toh Tumhare Paas Hoon, Jab Koi Pukarne Wala Mujhe Pukarta Hai Toh Main Us Ki Dua Qabool Karta Hoon, Toh Un Ko Chahiye Ke Mere Hukmoun Ko Maanain Aur Mujh Par Eemaan Laayain Taa-Ake Naik Rasta Payain.

187
Rozon Ki Raaton Main Tumhare Liye Apni Aurton Ke Paas Jaana Jaaiz Kar Dia Gaya Hai Woh Tumahari Poshaak Hain Aur Tum Un Ki Poshaak Ho Allah Ko Maloom Hai Ke Tum Un Ke  Paas Jaane Se, Apne Haq Main Khiyanat Karte The, So Us Ne Tum Par Meherbaani Ki Aur Tumhari Harkaat Se Darguzar(Excuse) Farmaayee. Ab Tum Ko Ikhtiyaar Hai Ke Un Se Haq-E-Zojiyat Karo. Aur Allah Ne Joh Cheez Tumhare Liye Likh Rakhi Hai Yaani Aulad Us Ko Allah Se Talab
Karo Aur Khao Aur Piyo Yahan Tak Ke Subh Ki Safaid Dhaari Raat Ki Siyah  Dhaari Se Alag Nazar Aane Lage. Phir Roza Rakh Kar Raat Tak Poora Karo, Aur Jab Tum Masjidon Main Aitkaaf Main Baithe Ho Toh Un Se(Bive Se)Door Raho. Yeh Allah Ki Hadain Hain.Un Ke Paas Na Jana .Isi Tarha Allah Apni Aayatain Lougon Ke Samjahne Ke Liye Khol Khol Kar Bayaan Farmata Hai  Taa-Ake Woh Parhaiz Gaar Banain.

188
Aur Aik Doosre Ka Maal Nahaq Na Khao Aur Na Us Ko Rishwatan Haakimon Ke Paas Pohonchao Taa-Ake Lougon Ke Maal Ka Kuch Hissa Najaaiz Tor Par Na Kha Jao Aur Use Tum Jaante  Bhi Ho.

189
Ae Muhammad S.A.W. Loug Tum Se Naye Chand Ke Bare Main Daryaaft Karte Hain Ke Ghat-Ta Barhta Kiyon Hai Keh Do Ke Woh Lougon Ke Kaamon Ki Miyaadain Aur Haj Ke Waqt Maloom  Hone Ka Zariya Hai, Aur Naiki Is Baat Main Nahi Ke Ehraam Ki Halat Main Gharon Main Un Ke Pichware Ki Taraf Se Aao. Balke Naiko Kaar Woh Hai Joh Parhaiz Gaar Ho Aur Gharon Main Un Ke  Darwazoun Se Aaya Karo Aur Allah Se Darte Raho Taa-Ake Nijaat Paao.

190
Aur Joh Loug Tum Se Larte Hain Tum Bhi Allah Ki Raah Main Un Se Laro Magar Ziadti Na Karna Ke Allah Ziaadti Karne Walon Ko Dost Nahi Rakhta.

191
Aur Un Ko Jahan Pao Qatal Kar Do, Aur Jahan Se Unhon Ne Tum Ko Nikala Hai Yaani Makke Se Wahan Se Tum Bhi Un Ko Nikaal Do. Aur Deen Se Gumraah Karnne Ka Fisaad Qatl-O-Khoon Raizi  Se Kaheen Barh Kar Hai Aur Jab Tuk Woh Tum Se Masjid-E-Mohtaram Yaani  Khaana Kaaba Ke Paas Na Larain Tum Bhi Wahan Un Se Na Larna. Haan Agar Woh Tum Se Larain Toh Tum Un Ko Qatal Kar Daalo. Kaafiron Ke Yeh Hi Saza Hai.

192
Aur Agar Woh Baaz Aa Jayain Toh Allah Bakhasne Wala Aur Rehem Karne Waala Hai.

193
Aur Un Se Kaho Us Waqt Tak Larte Rehna Ke Fisaad Nabood Ho Jaye Aur Mulk Main Allah Hi Ka Deen Ho Jaye Aur Agar Woh Fisaad Se Baaz Aa Jayen Toh Zalimon Ke Siwa Kisi Par Ziadti Nahi Karni Chahiye.

194
Adab Ka Maheena Adab Ke Maheene Ke Muqabil Hai Aur Adab Ki Cheezian Aik Dosre Ka Badla Hain. Pas Agar Koi Tum Par Ziadti  Kare Toh Jaisi Ziadti Woh Tum Par Kare Waisi Hi Tum Us Par Karo. Aur Allah Se Darte Raho Aur Jaan Rakho Ke Allah Darne Walon Ke Sath Hai.

195
Aur Allah Ki Raah Main Maal Kharch Karo Aur Apne Aap Ko Halakat Main Na Dalo Aur Naiki Karo Be Shak Allah Naiki Karne Walon Ko Dost Rakhta Hai.

196
Aur Allah Ki Khusnoodi Ke Liye Haj Aur Umre Ko Poora Karo. Aur Agar Raaste Main Rouk Liye Jao Toh  Jaisi Qurbani Moyassar Ho Kar Do Aur Jab Tak Qurbaani Apne Maqaam Par Na Pohonch  Jaye Sar Na Mundaao. Aur Agar Koi Tum Main Bimaar Ho Ya Us Ke Sar Main Kisi Tarha Ki Taklef  Ho Toh Agar Woh Sar Munda Le Toh Us Ke Badle Roze Rakhe Ya Sadqa De Ya Qurbani Kare Phir Jab Takleef Door Ho Kar Tum Muttmainn Ho Jao, Toh Joh Tum Main Haj Ke Waqt Tak Umre Se Faaida Uthana Chahie Woh Jaisi Qurbani Moyassar Ho Kare. Aur Jis Ko Qurbani Na Mile Woh Teen Roze Ayaam-E-Haj Main Rakhe Aur Sat (7) Jab Wapas Ho. Yeh Poore Das Hue. Yeh Hukum Us Shakhs Ke Liye Hai Jis Ke Ehl-O-Ayaal Makke Mian Na Rehte Hon Aur Allah Se Darte Raho Aur Jaan Rakho Ke Allah Sakht Azaab Dene Wala Hai.

197
Haj Ke Maheene Moiyann(Decided) Hain Joh Maloom Hain Toh Joh Shakhs In Maheenon Main Haj Ki Niyat Kar Le Toh Haj Ke Dinon Main Na Aurton Se Ikhtilat Kare Na Hi Bura Kaam Kare Na Kisi Se Jhagre.Aur Joh Naik Kaam Tum Karo Ge Woh  Allah Ko Maloom Ho Jaye Ga Aur Zad-E-Raah Yani Raste Ka Kharch  Sath Le Jao Kioyon Ke Behtar Faaida Zad-E-Raah Ka Parhaizgaari Hai Aur Ae Ehle-E-Aqal Mujh Se Darte Raho.

198
Is Ka Tumhain Kuch Gunnah Nahi Ke Haj Ke Dinon Main Bazariya Tijarat Apne Parwardigaar Se Rozi Talab Karo Aur Jab Araafaat Se Wapas Hone Lago Toh Mashaar-E-Haraam Yaani Muzdalfe Main Allah Ka Zikar Karo Aur Us Tarha Zikar Karo Jis Tarha Us Ne Tum Ko Sikhaya .Aur Is Se Paishtar Tum Loug In Tareeqon  Se Mehez Na Waqif The.

199
Phir Jahan Se Aur Loug Wapas Houn Waheen Se Tum Bhi Wapas Ho Aur Allah Se Bakhsish Maango.Be Shak Allah Bakhahsne Wala Aur Rehmat Karne Wala Hai.

200
Phir Haj Ke Tamaam Arkaan Poore Kar Chuko Toh Mina Main Allah Ko Yaad Karo. Jis Tarha Apne Baap Dada Ko Yaad Kia Karte The Balke Us Se Bhi Ziada Aur Baz Loug Aise Hain Joh Allah Se Iltija  Karte Hai Ke Ae Parwardigaar Ham Ko Joh Daina Hai Dunia Hi Main Inayat Kar Aise Lougon Ka Aakhrat Main Kuch Hissa Nahi.

201
Aur Baaz Aise Hain Ke Dua Karte Hain Ke Parwardigaar Ham Ko Dunia Main Bhi Naimat Ata Farma Aur Aakhrat Main Bhi Naimat Bakhashiyo
Aur Dozakh Ke Azaab Se Mehfooz Rakhiyo.

202
Yeh Hi Loug Hain Jin Ke Liye Un Ke Kaamon Ka Hisaa Yaani Ajar Naik-E-Taiyaar Hai Aur Allah Jald Hisaab Lene Wala Aur Jald Ajar Dene Wala Hai.

203
Aur Qiaam-E-Minaa Ke Dinon Mian Joh Ginti Ke Din Hain Allah Ko Yaad Karo. Agar Koi Jaldi Kare Aur Do Hi Din Main Chal De Toh Us Par Bhi Kuch Gunnah Nahi.Aur Joh Baad Tak Tehra Rahe Us Par Bhi Kuch Gunnah Nahi .Yeh Batain Us Shakhs Ke Liye Hain Joh Allah Se Dare Aur Tum Loug Allah Se Darte Raho Aur Jaan Rakho Ke Tum Sab Us Ke Paas Jama Kiye Jaao Ge.

204
Aur Koi Shakhs Toh Aisa Hai Jis Ki Guftugu Dunia Ki Zindagi Main Tum Ko Dilkash Maloom Hoti Hai Aur Woh Apne Maaf-Uz-Zameer Par Allah Ko Gawah Banata Hai Haalaanke Woh Sakht Jhagraaloo  Hai.

205
Aur Jab Peeth(Back) Phair Kar Chala Jata Hai Toh Zameen Main Dorta Phirta Hai Taa-Ake Us Main Fitna Angaizi Kare Aur Khaiti Ko Barbaad Aur Insaanon Aur Haiwaano Ki Nasal Ko Nabood Kar De Aur Allah Fitna Angaizi Ko Pasand Nahi Karta.

206
Aur Jab Us Se Kaha Jata Hai Ke Allah Se Khof Kar, Toh Garoor Us Ko Gunnah Main Phansa Deta Hai .So Aise Ko Jahannum Sazawaaar Hai. Aur Woh Bohot Bura Thikana Hai.

207
Aur Koi Shakhs Aisa Hai Ke Allah Ki Khusnoodi Hasil Karne Ke Liye Apni Jaan Baich Daalta Hai Aur Allah Bandoun Par Baohot Meherbaan Hai.

208
Momino! Islaam Main Poore Poore Daakhil Ho Jao Aur Shaitaan Ke Peeche Na Chalo  Woh Toh Tumhara Sareeh Dunsman Hai.

209
Phir Agar Tum Ehkaam-E-Roshan Pohonch Jaane Ke Baad Lar Khara Jao Toh Jaan Rakho Ke Allah Gaalib Aur Hikmat Wala Hai.

210
Kia Yeh Loug Isi Baat Ke Muntazir Hain Ke Un Par Allah Ka Azaab Baadal Ke Saaibaanon Main Aa Nazil Ho Aur Farishte Bhi Utar Aayen Aur Kaam Tamaam Kar Diya Jaye Aur Sab Kaamon Ka Rujoo Allah Hi  Ki Taraf Hai.
211
Ae Muhammad S.A.W. Bani Israaeel Se Poocho Ke Ham Ne Un Ko Kitni Khuli Nishaaniyan Deen.Aur Joh Shakhs Allah Ki Naimat Ko Apne Paas Aane Ke Baad Badal De Toh Allah Sakht Azaab Karne Wala Hai.

212
Aur Joh Kaafir Hain Un Ke Liye Dunia Ki
Zindagi Khusnuma Kardi Gai Hai, Aur Woh Mominon Se Tamaskhurr Karte Hain Lekin Joh Parhaiz Gar Hain Woh Qiamat Ke Din Un Par Gaalib Hongge, Aur Allah Jis Ko Chahta Hia Be Shumaar Rizq Deta Hai.

213
Pehle Toh Sab Lougo Ka Aik Hi Mazhab Tha Lekin Woh Apas Main Ikhtilaaf Karne Lage, Toh Allah Ne Un Ki Taraf Basharat Dene Wale Aur Dar Sunane Wale Paighambar Bhaije Aur Un Par Sachaayee Ke Sath Kitaabain Nazil Kee Taa-Ake Jin Amoor Main Loug Ikhtilaaf Karte The Un Ka Un Main Faisala Kar De. Aur Is Main Ikhtilaaf Bhi In Hi Logon Ne Kia Jin Ko Kitaab Di Gai Thi, Ba Wajood Yeh Ke, Un Ke Paas Khule Hue Ehkaam Aa Chuke The, Aur Yeh Ikhtilaaf  Unhon Ne Sirf Apas Ki Zidd Se Kia Toh Jis Amar-E-Haq Main Woh Ikhtilaaf Karte The Allah Ne Apni Meherbaani Se Mominon Ko Us Ki Raah Dikha  Di. Aur Allah Jis Ko Chahta Hai Seedha Rasta Dikha Deta Hai.




214
Kia Tum Yeh Khayal Karte Ho Ke Youn Hi Behshat Main Daakhil Ho Jao Ge.Aur Abhi Tum  Ko Pehle Lougon Ki Si Mushkilain Toh Paish Aayee Hi Nahi. Un Ko Bari Bari Sakhtiyaan Aur Takleefain  Pohonchee Aur Woh Saoobaton Main Hila Hila Diye Gaye. Yahan Tak Ke Paigambar Aur Momin Loug Joh Un Ke Sath The Sab Pukaar Uthe Ke Kab Allah Ki Madad Aye Gi. Daikho Allah Ki Madad An Qareeb Aa Hi Chahti Hai.

215
Ae Muhammad S.A.W. Loug Tum Se Poochte Hain Ke Allah Ki Raah Main Kis Tarha Ka Maal Kharach Karen. Keh Do Ke Joh Chaho Kharch Karo. Lekin Joh Maal Kharch Karna Chaho Woh Darja Badarja Ehl-E-Istehqaaq Yaani Maan Baap Ko Aur Qareeb Ke Rishte Daron Ko Aur Yateemon Ko Aur Mohtaajoun Ko Aur Musafiron Ko Sab Ko Do Aur Joh Bhalayee Tum Karo Ge Allah Us Ko Jaanta Hai.









216
Musalmano! Tum Par Allah Ke Raste Main Larna Farz Kar Dia Gaya Hai Woh Tumhain Nagawaar Toh Hoga Magar Ajab Nahi Ke Aik Cheez Tum Ko Buri Lage  Aur Woh Tumhare Haq Main Bhali Ho Aur Ajab Nahi Ke Aik Cheez Tum Ko Bhali Lage Aur Woh Tumhare Liye Moozir Ho.Aur In Baton Ko Allah Hi Behtar Jaanta Hai Aur Tum Nahi Jante.

217
Ae Mohammad S.A.W. Loug Tum Se Izzat Wale Maheenon Main Larayee Karne Ke Baare Mian Daryaaft Karte Hain Keh Do, Ke In Main Larna Bara Gunnah Hai Aur Allah Ki Raah Se Rokna Aur Is Se Kufur Karna Aur Masjid-Ul-Haram Yaani Khaana-E-Kaaba Main Jane Se Mana Karna. Aur Ehl-E-Masjid Ko Is Main Se Nikaal Dena Joh Yeh Kuffaar Karte Hain, Allah Ke Nazdeek Is Se Bhi Ziada Gunna Hai. Aur Fitna Angaizi Khoonraizi Se Bhi Barh Kar Hai. Aur Yeh Loug Hamesha Tum Se Larte Rahain Ge Yahan Tak Ke Agar Maqdoor Rakhian Toh Tumko Tumhare Deen Se Phair Dain . Aur Joh Koi Tum Main Se Apne Deen Se Phir Kar Kaafir Ho Jaye Ga Aur Kaafir Hi Mare Ga Toh Aise Lougon Ke Aamaal Dunia Aur Aakrat Dono Main Barbad Ho Jayen Ge Aur Yeh Hi Loug Dozakh Main Jane Wale Hain Jis Mai Hamesh Rahain Ge.

218
Joh Loug Eemaan Laye Aur Allah Ke Liye Watan Chor Gaye Aur Kuffaar Se Jang Karte Rahe Woh  Hi Allah Ki Rehmat Ke Umeeedwaar Hain. Aur Allah Bakhashne Wala Aur Rehmat Karne Wala Hai.

219
Ae Paigaambar Loug Tum Se Sharaab Aur Joowe Ka Hukum Daryaaft Kartte Hain . Keh Do Ke In Main Nuqsaan Bare Hain Aur Lougon Ke Liye Kuch Faaide Bhi Hain Magar In Ke Nuqsaan Faaidon Se Kaheen Ziada Hian Aur Yeh Bhi Tum Se Poochte Hain Ke Allah Ki Raah Main Konsa Sa Maal Kharc Karen.Keh Do Ke Joh Zaroorat Se Ziada Ho. Is Tarha Allah Tumhare Liye Apne Ehkaam Khol Khol Kar Bayan Farmata Hai Ta-Aake Tum Socho.

220
Yaani Dunia Aur Aakhrat Ki Baton Main Gor Karo Aur Tum Se Yateemoun Ke Baare Main Bhi Daryaaft Karte Hain Keh Do, Ke Un Ki Halat Ki Islaah Bohot Acha Kaam Hai. Aur Agar Un Se Mill Jull Kar Rehna Yaani Kharch Ikhatta Karna  Chaaho, Toh Woh Tumhare Bhai Hain Aur Allah Khoob Jaanta Hai Ke Kharabi Karnee Wala Koun Hai Aur Islaah Karne Wala Koun . Aur Agar Allah Chahta Toh Tum Ko Takleef Main Daal Deta. Beshak Allah Galib Aur Hikmat Wala Hai.
221
Aur Mominon Mushrik Aurton Se Jab Tak Ke Eemaan Na Laayen Nikaah Na Karna. Kiyon Ke Musrik Aurat Khuah Tum Ko Kaisi Hi Bhali Lage Us Se Momin Loundi Behtar Hai.Aur Isi Tarha Mushrik Mard Jab Tak Eemaan Na Laayen Momin Aurton Ko Un Ko Zojiyat Main Na Dena Kion Ke Mushrik Mard Se Khuwa Woh Tumko Kaisa Hi Bhala Lage Momin Ghulam Behtar Hai. Yeh Mushrik Lougon Ko Dozakh Ki Taraf Bulate Hain. Aur Allah Apni Meherbaani Se Behshat Aur Bakhsish Ki Taraf Bulata Hai. Aur Apne Hukum Lougon Se Khol Khol Kar Bayan Karta Hai Ta-Ake Naseehat Haasil Karain.

222
Aur Tum Se Haiz Ke Bare Main Daryaaft Karte Hain.Keh Do Ke Woh Toh Nijasat Hai. So Ayaam-E-Haiz Main Aurtoun Se Kinara Kash Raho. Aur Jab Tak Paak Na Ho Jayain Un Se Muqarbat Na Karo. Haan Jab Paak Ho Jayain To Jis Tareeq Se Allah Ne Irshaad Farmaya Hai Un Ke Paas Jaao. Kuch Shak Nahi Ke Allah Touba Karne Walon Aur Paak Saaf Rehne Walon Ko Dost Rakhta Hai.
223
Tumhari Aurtain Tumhari Khaiti Hain, Toh Apni Khiati Main Jis Tarha Chaaho Jao. Aur Apne Liye Naik Amal Aage Bhaijo. Aur Allah Se Darte Raho Aur Jaan Rakho Ke Aik Din Tumhain Us Ke Ru Baru Hazir Hona Hai Aur Ae Paigambar Eemaan Walon Ko Basharat Suna Do.

224
Aur Allah Ke Naam Ko Is Bat Ka Heela(Bahana) Na Banana Ke Us Ki Qasmain Kha Kha Kar Salook Karne Aur Parhaizgaari  Karne Aur Lougon Main Sulah-O-Saazgaari Karaane Se Rukk Jao. Aur Allah Sab Kuch Sunta Aur Jaanta Hai.

225
Allah Tumhari Lagaw(Fizool) Qasmon Par Tum Se Mawakhda Na Kare Ga.Lekin Joh Qasmain Tum Qasad(Sacche) Dili Se Kahow Ge Un Par Mawakhida Kare Ga. Aur Allah Bakhahne Wala Burrdbaar Hai.

226
Joh Loug Apni Aurto Ke Paas Jaane Se Qasam Kha Lain Un Ko Chaar Maheene Intizaar Krana Chahiye. Agar Is Arse Main Qasam Se Rujooh Kar Lain Toh Allah Bakhashne Wala Meherbaan Hai.



227
Aur Agar Tallaq Ka Irada Kar Lain Toh Bhi Allah Sunta Aur Jaanta Hai.

228
Aur Tallaq Wali Aurtain Teen Haiz Tak Apne Taiee Roke Rahain . Aur Agar Woh Allah Aur Roz-E-Qiamat Par Eemaan Rakhti Hain Toh Un Ko Jaaiz Nahi Ke Allah Ne Joh Kuch Un Ke Shikam Main Paida Kia Hai Us Ko Chupayain. Aur Un Ke Khaawind Agar Phir Muwafiqat Chahain To Us Muddat Main Woh Un Ko Apni Zojiyat Main Le Laine  Ke Ziada Haqdaar Hain. Aur Aurtoun Ka Haq Mardon Par Waisa Hi Hai Jaise Dasrtoor Ke Mutabiq Mardon Ka Haq Aurtoun Par Hai. Albatta Mardoun Ko Aurton Par Fazeelat Hai Aur Allah Gaalib Aur Sahib-E-Hikmat Hai.

229
Tallaq Sirf Do Baar Hai..Yaani Jab Do Dafa Tallaq De Di Jae Toh Phir Aurton Ko Ya Toh Batreeq Shaaista Nikah Main Rehne Dena Ya Bhalaiee Ke Sath Chor Dena. Aur Ye Jaaiz Nahi  Ke Joh Meher Tum Un Ko De Chuke Ho Us Main Se Kuch Wapas Le Lo. Haan Agar Zan-O-Shohar Ko Khof Ho Ke Woh  Allah Ki Hadoun Ko Qaaim Nahi Rakh Sakain Ge Toh Agar Aurat Khawind Ke Hath Se Rehayee Paane Ke Badle Main Kuch De Daale , Toh Dono Par Kuch Gunnah Nahi . Yeh Allah Ki Muqarrar Ki Hui Hadain Hain Un Se Bahar Na Nikalna.Aur Joh Loug Allah Ki Hadoun Se Bahar Nikal Jaye Ge Woh Gunnehgaar Honge.

230
Phir Agar Shohar Do Tallaqon Ke Baad Teesri Talaaq Aurat Ko De De Toh Us Ke Bad Jab Tak Aurat Kisi Doosre Shakhs Se Nikaah Na Kar Le,  Is Se Pehle Shohar Par Halaal Na Hogi. Haan Agar Doosra Khawind Bhi Tallaq De De, Aur Aurat Aur Pehla Khawind Phir Aik Doosre Ki Taraf Rujoo Kar Lain Toh Un Par Kuch Gunnah Nahi Bashart Yeh Ke Dono Yaqeen Karen Ke Allah Ki Hadoun Ko Qaaim Rakh  Sakain Ge Aur Yeh Allah Ki Hadain Hain In Ko Woh Un Lougon Ke Liye Bayan Farmata Hai Joh  Danish Rakhte Hain.

231
Aur Jab Tum Aurton Ko Do Dafa Tallaaq De Chuko Aur Un Ki Iddat Poori Ho Jaye Toh Unhain Ya Toh Husn-O-Salook  Se Nikah Main Rehne Do , Ya Batareeq Shaista Rukhsat Kar Do, Aur Is Niyat Se  Un Ko Nikaah Main Na Rehne Dena Chahiye, Ke Unhain Takleef Do, Aur Un Par Ziaadti  Karo. Aur Joh Aisa Kare Ga Woh Apna Hi Nuqsaan Kare Ga Aur Allah Ke Ehkaam Ko Hansi Aur Khail Na Banao Aur  Allah Ne Tum Ko Joh Naimatain Bakhsi Hain Aur Tum Par Joh Kitaab Aur Danaayee Ki Batain Nazil Ki Hain Jin Se Woh Tumhain Naseehat Farmata Hai Un Ko Yad Karo. Aur Allah Se Darte Raho Aur Jaan Rakho Ke Allah Har Cheez Se Waqif Hai.

232
Aur Jab Tum Aurtoun Ko Tallaq De Chuko Toh Un Ki Iddat Poori Ho Jaye, Toh Un  Ko Doosre Shohroun Ke Sath Jab Woh Apas Main Jaaiz Toar Par Raazi Ho Jayain Nikaah Karne Se Mat Roko. Is Hukum Se Us Shakhs Ko Naseehat Ki Jati Hai Joh Tum Main Allah Aur Roz-E-Aakrat Par Yakeen Rakhta Hai. Yeh Tumhare Liye Nihayat Khoob Aur Bhot Pakeezgi Ki Baat Hai Aur Allah Jaanta Hai Aur Tum Nahi Jante.




233
Aur Maayen(Mothers) Apne Bachon Ko Poore Do Saal Doodh Pilaayain, Yeh Hukum Us Shakhs Ke Liye  Hai Joh Poori Muddat Tak Doodh Pilwaana Chahe. Aur Doodh Pilaane Wali Maaoun Ka Khaana Aur Kapra Dastoor Ke Mutabiq Baap Ke Zimme Hoga.Kisi Shakhs  Ko Us Ki Taaqat Se Ziada Takleef Nahi Di Jati . Toh Yaad Rakho Ke Na Toh Maan Ko Uske Bache Ke Sabab Nuqsan Pohonchaya Jay Aur Na Baap Ko Us Ki Aulaad Ki Waja Se Nuqsaan Pohnchaaya Jaye, Aur Isi Tarha Naan Nifqa Bache Ke Waaris Ke Zimme Hai. Aur Agar Dono Yaani Maan Bap Aapas Ki Raza Mandi Aur Salah Se Bache Ka Doodh Churana Chahain Toh Un Par Kuch Gunnah Nahi. Aur Agar Tum Apni Aulad Ko Doodh Pilwana Chaho Toh Tum Par Kuch Gunnah Nahi Basharat Ye Ke Tum Doodh Pilaane Waliyoun Ko Dastooor Ke Mutabiq Un Ka Haq Do Jo Tum Ne Dena Kia Tha De Do, Aur Allah Se Darte Raho Aur Jaan Rakho Ke Joh Kuch Tum Karte Ho Allah Us Ko Daikh
Raha Hai.

234
Aur Joh Loug Tum Main Se Mar Jaaye Aur Aurtain Chor Jaaye Toh Aurtain Chaar Maheene Aur Das Din Apne Aap Ko Roke Rakhain .Aur Jab Ye Iddat Poori Kar Chukain Aur Apne Haq Main Pasandeeda Kaam Yaani Nikka Kar Lain Toh Tum Par Kuch Gunnah Nahi  . Aur Allah Tumhare Sab Kaamon Se Waaqif Hai.

235
Aur Agar Tum Kanaaye Ki Baton Main Aurtoun Ko Nikaah Ka Paigaam Bahijo Ya Nikaah Ki Khuahish Karo Apne Diloun Main Makhfi Rakho Toh Tum  Par Kuch Gunnah Nahi. Allah Ko Maloom Hai Ke Tum Un  Se Nikah Ka Zikar Karo Ge. Magar Aiyaam-E-Iddat Main Is Ke Siwa Ke Dastoor Ke Mutabiq Koi Bat Keh Do Poshida Toar Par Un Se Qoul-O-Qraar Na Karna. Aur Jab Tak Iddat Poori Na Ho Le Nikaah Ka Pukhta Iraada Na Karna. Aur Jaan Rakho Ke Joh Kuch Tumhare Diloun Main Hai Allah Ko Sab Maloom Hai  Toh Us Se Darte Raho  Aur Jaan Rakho Ke Allah Bakhashne Wala Aur Ilm Wala Hai.

236
Aur Agar Tum Aurton Ko Un Ke Paas Jaane Ya Un Ka Meher Muqarrat Karne Se Pehle Tallaq De Do To Tum Par Kuch Gunnah Nahi.Haan Un Ko Dastoor Ke Mutabiq Kuch Kharch Zaroor Do Yaani  Maqdoor Wala Apne Maqdoor Ke Mutabiq De Aur Tangdast Apni Haisiyat Ke Mutabqi . Naik Lougon Par Ye Aik Tarha Ka Haq Hai.

237
Aur Agar Tum Aurton Ko Un Ke Paas Jaanse Se Pehle Tallaaq De Do Lekin Meher Muqaraar Kar Chuke Ho Toh Aadha Meher Dena Hoga. Haan Agar  Aurtain Meher Bakhash Dain Ya Mard Jin Ke Hath Main Aqad Naikaah Hai Apna Haq Chor Dain.Aur Poora Meher De Dain Toh Un Ko Ikhtiyaar Hai, Aur Agar Tum Mard Loug Hi Apna Haq Chor Do Toh Yeh Parhaizgaari Ki Baat Hai. Aur Apas Main Bhalai Karne Ko Faramosh Na Karna. Kuch Shak Nahi Ke Allah Tumhare Sab Kamoun Ko Daikh Raha Hai.

238
Musalmano!  Sab Namazain Khasoosan Beech Ki Namaaz Yaani Namaaz-E-Asar Poore Iltizaam Ke Sath Ada Karte Raho.Aur Allah Ke Aage Adab Se Khare Raaha Karo.

239
Agar Tum Khof Ki Halat Main Ho Toh Piyaade Ya Sawaar Jis Haal Mai Ho Namaaz Parh Lo Phir Jab Aman-O-Itminaan Ho Jaye Toh Jis Tareeq Se Allah Ne Tum Ko  Sikhaya Hai, Joh Tum Pehle Nahi Jaante The Allah Ko Yad Kia Karo.

240
Aur Joh Loug Tum Main Se Mar Jayain Aur Aurtain Chor Jayain Woh Apni Aurton Ke Haq Main Wasiyat Kar Jayain Ke Un Ko Aik Saal Tak Kharch Dia Jaye, Aur Ghar Se Na Nikali Jaye. Haan Agar Woh Khud Ghar Se Nikal Jayain Aur Apne Haq Main Pasandeeda Kaam Yani Nikaah Kar Lain Toh Tum Par Kuch Gunnah Nahi. Aur Allah Zabardast Hikmat Wala Hai.

241
Aur Mutaliqa Aurton Ko Bhi Dastoor Ke Mutabiq Naan-O-Nafqa Dena Chahiye Parhaizgaaron Par Yeh Bhi Haq Hai.

242
Isi Tarha Allah Apne Ehkaam Tumhare Liye Bayaan Farmata Hai Taa-Ake Tum Samjho.

243
Bhala Tum Ne Un Lougoun Ko Nahi Daikha Joh Shumaar Main Hazaaroun Hi The Aur Mout Ke Dar Se Apne Gharoun Se Nikal Bhaage The. Toh Allah Ne Un Ko Hukum Dia Ke Mar Jaow. Phir Un Ko Zinda Bhi Kar Dia. Kuch Shak Nahi Ke Allah Lougon Par Meherbaani Rakhta Hai. Lekin Aksar Loug Shukar Nahi Karte.

244
Aur Musalmano! Allah Ki Raah Main Jahaad Karo Aur Jaan Rakho Ke Allah Sab Kuch Sunta Aur Sab Kuch Jaanta Hai.

245
Koi Hai Ke Allah Ko Qarz-E-Hasna De Ke Woh Us Ke Badle Us Ko Ke Hisse Ziada De Ga. Aur Allah Hi Rozi Ko Tang Karta Aur Woh Hi Usse  Kushaada  Karta Hai. Aur Tum Us Ki Taraf Lout Kar Jaao Ge.
246
Bhala Tum Ne Bani Israeel Ki Aik Jamaat Ko Nahi Daikh Jis Ne Moosa Ke Baad Apne Paigambar Se Kaha Ke Ap  Hamare  Liye  Aik Baadshah Muqarar Kar Dain Taake Ham Allah Ki Raah Main Jahaad Karain.Paighambar Ne Kaha Ke Agar Tum Ko Jahaad Ka Hukum Dia Jaye Toh Ajab Nahi, Ke Larne Se Pehle Tahi Karo. Woh Kehne Lage Ke Ham Rah-E-Allah Main Kion Na Larain Ge Jab Ke Ham Watan Se Khaarij Aur Baal Bachon Se Juda Kar Diye Gaye. Lekin Jab Un Ko Jahad Ka Hukum Dia Gaya Toh Chand  Ashkhaas Ke Ilawa Sab Phir Gaye. Aur Allah Zaalimon Se Khoob Waqif Hai.

247
Aur Paigambar Ne Un Se Yeh Bhi Kaha Ke Allah Ne Tum Par Taloot Ko Badshah Muqarrar Farmaya Hai. Woh Bole Ke Use Ham Par Baadhaahi Ka Haq Kiyoon Kar Ho Sakta Hai Baadhaahi Ke Mustahiqq Toh Ham Hain Aur Us Ke Paas Toh Bohot Si Doslat Bhi Nahi. Paighambar Ne Kaha  Ke Allah Ne Is Ko Tum Par Fazeelat Di Hai Aur Baadhahhi Ke Liye Muntakhib Farmaya Hai Us Ne Ise Ilm Bhi Bohot Bakhsha Hai Aur Tan-O-Tosh Bhi Bara Ata Kia Hia Aur Allah Ko Ikhtiyaar Hai Jisse Chahe Baadhsahi Bakhse.Woh Bara Kushaaish Wala Aur Dana Hai.
248
Aur Paighambar Ne Un Se Kaha Ke Un Ki Baadhsaahi Ki Nishani Yeh Hai Ke Tumhare Paas Aik Sandooq Aye Ga Jis Ko Farishte Uthaaye Hue Honge Us Main Tumahre Parwardigaar Ki Taraf Se Tassalli  Bakhasne Wali Cheez Hogi Aur Kuch Aur Cheezain Bhi Hongi Joh Moosa Aur Haroon Chor Gaye The. Agar Tum Eemaan Rakhte Ho Toh Yeh Tumhare Liye Aik Bari Naishani Hai.

249
Garz Jab Taloot Fojain Le Kar Rawana Hua Toh Un Se Un Se Kaha Ke Allah Aik Neher Se Tumhari Aazmaaish Karne Wala Hai . Joh Shakhs Us Main Se Paani Pee Le Ga . Us Ki Nisbat Tassawur Kia Jaaye Ga Ke Woh Mera Nahi. Aur Joh Na Piye Ga Woh Samjha Jay Ga Ke Mera Hai. Haan Agar Koi Hath Se Chulloo Bhar Paani Pee Le Toh Khair. Jab Woh Loug Neher Par Pohonche Toh Chand Shakhson Ke Siwa Sab Ne Paani Pee Liya. Phir Jab Taloot Aur Momin Loug Us Ke Sath The Neher Ke Paar Ho Gaye Toh Kehne Lage Ke Aaj Ham Main Jaloot Aur Us Ke Lashkar Se Muqabla Karne Ki Taaqt Nahi. Joh  Loug Yakeen Rakhte The Un Ko  Allah Ke Ru Baru  Hazir Hona Hai Woh Kehne Lage Ke Basa Auqaat Thori Si Jamaat Ne Allah Ke Hukum Se Bari Jamaat Par Fatah Hasil Ki Hai Aur Allah Ishtaqlaal Rakhne Waloun Ke Sath Hai.

250
Aur Jab Loug Jaloot Aur Us Ke Lakshkar Ke Muqaable Main Aaye Toh Allah Se Dua Ki Ke Ae Parwardigaar Ham Par Sabar Ke Dahaane Khol De Aur Hamain Larayee Main Sabit Qadam Rakh Aur Lashkar-E-Kuffaar Par Fatah Yaab Kar.

251
Toh Taloot Ki Fouj Ne Allah Ke Hukum Se Un Ko Hazeemat(Haar) Di.Aur Dawood Ne Jaloot Ko Qatal Kar Daala. Aur Allah Ne Us Ko Baadshahi Aur Daanayee Bakhshi Aur Joh Kuch Chaha Sikhaya. Aur Agar Allah   Lougon Ko Aik Doosre Par Charhayee Aur Hamla Karne Se Na Hataata   Rehta,Toh Mulk Tabah Ho Jata Lekin Allah Aalam Par Bara Mehebaan Hai.

252
Yeh Allah Ki  Aayatain  Hain Joh Ham Tum Ko Sachayee Ke Sath Parh Kar Sunaate Hain Aur Ae Muhammad S.A.W.  Tum Bila Shuba Paighambaroun Main Se Ho.
253
Yeh Paighambar Joh Ham Waqtan Fawaqtan Bhaijte Rahe Hain.In Main Se Ham Ne Baaz Ko Baaz Par Fazeelat Di Hai. Baaz Aise Hain Jin Se Allah Ne Gukftugu Ki, Aur Baaz Ke Doosre Amoor Main Martabe Buland Kiye. Aur Eesaa  Ibn-E-Maryam  Ko Ham Ne Khuli Hui Nishaaniyaan Ataa Ki Aur Rooh-Ul-Quddoos Se Un Ko Madad Di. Aur Agar Allah Chahta Toh Un Se Pichle  Loug Apne Paas Khuli Nishaniyan Aane Ke Baad Aapas Main Na Larte, Lekin Unhoun Ne Ikhtilaf  Kia To Un Main Se Baaz Toh Eemaan Le Aye Aur Baaz Kaafir Hi Rahe. Aur Agar Allah Chahta Toh Yeh Loug Baham Jang-O-Qattal Na Karte. Lekin Allah Joh Chahta Hai Karta Hai.

254
Ae Eemaan Waalo Joh Maal Ham Ne Tum Ko Dia Hai Us Main Se Us Din Ke Aane Se Pehle Pehele Kharch Kar Lo, Jis Min Na Aamaal Ka Souda Ho Aur Na Dosti Aur Sifarish Ho Sake, Aur Kufur Karne Waale Loug Zaalim Hain.
255
Allah Woh Mabood Barhaq Hai Ke Us Ke Siwa Koi Ibaadat Ke Laaiq Nahi Zinda Hamaisha Rehne Wala, Ussse Na Oongh Ati Hai Na Neend, Joh Kuch Aasmaaono Main Aur Joh Kuch Zameen Main Hai Sab Usssi Ka Hai, Koun Hai Joh Us Ki Ijazat Ke Bagair Us Se Kisi Ke Sifaarish Kar Sake. Joh Kuch Lougon Ke Ru Baru Ho Raha Hai Aur Joh Kuch Un Ke Peeche Ho Chuka Hai Use Sab Maloom  Hai Aur Woh Us Ki Maloomaat Main Se Kisi Cheez Par Dastaras Hasil Nahi Kar Sate Haan Jis Qadar Woh Chahta Hai Usi Qadar Maloom Kara Deta Hai. Us Ki Baadshahi Aur Ilm Asmaan Aur Zameen Sab Par Haavi Hai Aur Usse In Ki Hifazat Kuch Bhi Dushwaar Nahi Woh Bara Aali Rutba Aur Jaleel-Ul-Qadar Hai.

256
Deen-E-Islaam Main Zabardasti Nahi Hai..Hidayat Saaf Tor Par Zahir Aur Gumhari Se Alag Ho Chuki Hai Toh Joh Shahkhs Button  Se Aitqaad Na Rakhe Aur Allah Par Eemaan Laye Us Ne Aisi Mazboot Rassi Hath Main Pakar Li Hai Joh Kabhi Tootne Wali Nahi Aur Allah Sab Kuch Sunnta Aur Sab Kuch Jaanta Hai.
257
Joh Loug Eemaan Laaye Hain Un Ka Dost Allah Hai, Ke  Andhairon Se Nikaal Kar Roshni Main Le Jaata Hai Aur Joh Kafir Hain Un Ke Dost Shaitaan Hain Ke Un Ko Roshni Se Nikaal Kar Andhairon Main Le Jaata Hai, Yeh Hi Loug Ehl-E-Dozakh Hain Ke Us Main Hamesha Rahainge.

258
Bhala Tum Ne Us Shakhs Ko Nahi Daikha Joh Us Garoor Ke Sabab Se Ke Allah Ne Us Ko Saltanat Bakhshi Thi Jab Ibrahim  Se Parwardigaar Ke Bare Main Jhagarne Laga . Jab Ibrhim Ne Kaha Mera Parwardigaar Toh Woh Hai Joh Jilata Hai Aur Maarta Hai. Woh Bola Ke Jila Aur Mar Tou Main  Bhi Sakt Hoon.Ibraheem Ne Kaha Ke Allah Toh Sooraj Ko Mashriq Se Nikaalta Hai Aap Usse Magrib Se Nikaal Dejeiey . Yeh Sunn Kar Kafi Hairaan Reh Gaya Aur Allah Be Insaafon Ko Hidayat Nahi Dia Karta.

259
Ya Ussi Tarha Us Shakhs Ko Nahi Daikha Jisse Aik Gaaon Main, Joh Apni Chaton Par Gira Para Tha, Ittifaaq Guzar Hua . Toh Us Ne Kaha Ke Allah Is Ke Baashindoun Ko Marne Ke Bad Kiyon Kar Zinda Kare Ga. Toh Allah Ne Us Ki Rooh Qabz Kar Li Aur So Baras Tak Us Ko Murda Rakha. Phir Us Ko Jila Uthaya Aur Poocha Tum Kitna Aarsa Mare Rahe Ho Us Ne Jawab Dia Ke Aik Din Ya Iss Se Bhi Kam.Allah Ne Farmaya Nahi Balke So Baras Mare Rahe Ho.Aur Apne Khane Peene Ki Cheezon Ko Daikho Ke Itni Muddat Main Mutliq Sari Bussi Nahi Aur Apne Gadhe Ko Bhi Daikho Joh Mara  Para Hai. Garz In Baatoun Se Yeh Hai Ke Ham Tum Ko Lougon Ke Liye Apni Qudrat  Ki Nishani Banayain, Aur Haan Gadhe Ki Hadyioun Ko Daikho  Ke Ham Un Ko Kiyon Kar Jore Dete Aur Un Par Kis Tarha Gosht Post Charha Dete Hain. Jab Yeh Waaqiyaat Us Ke Mushahide Main Aaye Toh Bol Utha Ke Main Yakqeen Karta Hoon Ke Allah Har Ceez Par Qaadir Hai.

260
Aur Jab Ibraheem Ne Allah Se Kaha Ke Ae Parwardigaar Mujhe Dikha Ke Tu Murdoun(Dead) Ko Kiyon Kar Zinda  Kare Ga. Allah Ne Farmaya Kia Tum Ne Is Baat Ko Baawar Nai Kia. Unhon Ne Kaha Kion Nahi. Lekin Main Daikhna Isliye Chahta Hoon Ke Mera Dil Itminaan Kaamil Haasil Kar Le. Allah Ne Farmaya Ke Chaar Janwar Pakar Kar Apne Paas Manga Lo Aur Tukre Tukre Kara Do.Phir Un Ka Aik Tukra Har Aik Pahar Par Rakh Do Phir Un Ko Bulaao Toh Woh Tumhare Pas Dorte Chale Ayen Ge. Aur Jaan Rakho Ke Allah Ghaalib Aur Saahib-E-Hikmat Hai.

261
Joh Loug Apna Maal Allah Ki Raah Main Kharach Kate Hain, Un Ke Maal Ki Misaal Uss Daane Ki Si Hai Jis Se Saat Baalain Ugaain, Aur Har Aik Baal Main Sou Sou Daane Hon Aur Allah Jis Ke Maal Ko Chahta  Hai Ziada Karta Hai . Aur Woh Bari Kushaaish Wala Aur Sab Kuch Jaan-Ne Wala Hai.

262
Joh Loug Apna Maal Allah Ke  Raste Main Sarf Karte Hain Phir Us Ke Baad Na Us Kharch Ka Kisi Par Ehsaan Rakhte Hain, Aur Na Kisi Ko Takleef Dete Hian. Un Ka Sila Un Ke Parwardigaar Ke Paas Taiyaar Hai. Aur Qiamat Ke Roz Na Un Ko Kuch Khof Hoga Aur Na Ghamgeen Honge.

263
Jis Khairaat Dene Ke Baad Lene Wale Ko Eeza Di Jaye Us Se Toh Narm Baat Keh Deni Aur Us Ki Be Adbi Se Darguzar Karna Bhetar Hai Aur Allah Be Parwa Aur Burddbaar(Decent)  Hai.

264
Momino! Apne Sadqaat-O-Khairat, Ehsaan Rakhne Aur Eeza Dene Se Us Shaks Ki Tarha Barbaad Na Kar Dena. Joh Lougon Ko Dikhawe Ke Liye Maal Kharach Karta Hai Aur Allah Aur Roz-E-Aakhrat Par Eemaan Nahi Rakhta. Toh Us Ke Maal Ki Misaal Uss Chattaan Ki Si Hai Jis Par Thori Si Mitti Pari Ho Aur Us Par Zor Ka Meena (Rain) Baras Kar Usse Saaf Kar Dale. Usi Tarha Ye Riyakaar Loug Apne  Aamaal Ka Kuch Bhi Sila Haasil Nahi Kar Sakenge. Aur Allah Aise Nashukroun Ko Hidayat Nahi Dia Karta.

265
Aur Joh Loug Allah Ki Khusnoodi Hasil Karne Ke Liye Khaloos-E-Niyat Se Apna Maal Kharch Karte Hain Un Ki Misaal Aik Baagh Ki Si Hai Joh Oonchi Jagha Par Waaqe Ho.Jab Us Par Meenh Pare Toh Dugna(Double) Phall Laye. Aur Agar Meenh Na Bhi Pare Toh Khair Phuaar(Little Rain) Hi Sahi Aur Allah Tumhare Kaamoun Ko Daikh Raha Hai.

266
Bhala Tum Main Koi Yeh Chahta Hai Ke Us Ka Khajooron Aur Angooroun Ka Baagh Ho Jis Main Nehrain(Lakes) Beh Rahi Houn Aur Us Main Us Ke Liye Har Qisam Ke Maiwe Mojood Houn Aur Usse Burhaapa Aa Pakre Aur Us Ke Nannhe Nanahe Bache Bhi Houn. Toh Nagahaan Us Baagh Par Aag Ka Bhara Hua Bagoola Chale Aur Woh Jal Kar Raakh Ka Dhair Ho Jaye. Is Tarha Allah Tum Se Apni  Aayatain Khol Khol Kar Bayaan Farmaata Hai Ta-Aake Tum  Socho Aur Samjho.

267
Momino! Joh Pakeeza Aur Umda Maal Tum Kamaate Ho Aur Joh Cheezain Ham Tumhare Liye Zameen Se Nikaalte Hain Un Main Se Raah-E-Allah Main Kharach Karo. Aur Buri Aur Napaak Cheezain Daine Ka Qasad Na Karna Ke Agar Woh Cheezain Tumhain Di Jayain, Toh Bajuz Is Ke, Ke Lete Waqt Aankhain Band Kar Lo, Un Ko Kabhi Na Lo.Aur Jaan Rakho Ke Allah Be Parwah Aur Qaabil-E-Sattaaish Hai.

268
Aur Daikhna Shaitaan Ka Kehna Na Maan-Na Woh Tumhain Tang Dasti Ka Khof Dilata Aur Be Hayaee Ke Kaam Karne Ko Keheta Hai . Aur Allah Tum Se Apni Bakhshish Aur Rehmat Ka Wada Karta Hai. Aur Allah Bari Kushaaish Wala Aur Sab Kuch Jannne Wala Hai.
269
Woh Jis Ko Chahta Hai Danaayee Bakhshta Hai Aur Jis Ko Danaayee Mili Be Shak Us Ko Bari Naimat Mili. Aur Nasihat Toh Woh Hi Loug Qabool Karte Haih Joh Aqalmand Hain.

270
Aur Tum Allah Ki Raah Main Jis Tarha Ka Kharch Karo Ya Koi Niaaz Maano Allah Us Ko Jaanta Hai Aur Zaalimoun Ka Koi Madagaar Nahi.

271
Agar Tum Khairaat Zahir Do Toh Woh Bhi Khoob Hai Aur Agar Poshida Do,Aur Do Bhi Ehl-E-Hajat Ko Toh Woh Khoob Tar Hai Aur Is Tarha Ka Daina Tumhare Gunaahoun Ko Bhi Door Kar Dega. Aur Allah Ko Tumhare Sab Kamoun Ki Khabar Hai.

272
Ae Mumhammad S.A.W. Tum Un Lougon Ki Hidayat Ke Zimme Daar Nahi Ho, Balke Allah Hi Jis Ko Chahta Hai Hidayat Bakhashta Hai. Aur Momino Tum Joh Maal Kharch Karo Ge, Toh Us Ka Faaida Tumheen Ko Hai Aur Tum Joh Kharch Karo Ge Allah Ki Khushnoodi Ke Liye Karo Ge. Aur Joh Maal Tum Kharch Karo Ge Woh Tumhain Poora Poora De Dia Jaye Ga Aur Tumhara Kuch Nauqsan Nahi Kia Jaye Ga.

273
Aur Haan Tum Joh Kharch Karo Ge Toh Un Haajat Mandoun Ke Liye Joh Allah Ki Raah Main Ruke Baithe Hain Aur Mulk Main Kisi Taraf Jaane Ki Taaqat Nahi Rakhte Aur Maangne Se Aar Rakhte Hain, Yahan Tak Ke Na Maangne Ki Wajha Se Na Waaqif Shakhs Un Ko Ghani Khayal Karta Hai Aur Tum Qayaafe Se Un Ko Saaf Pehchaan Lo Ke Hajat Mand Hai Aur Sharam Ke Sabab Lougon Se Moonh  Phor Kar Aur Lipat Kar Nahi Maang Sakte Aur Tum Joh Maal Kharch Karo Ge Kuch Shak Nahi Ke Allah Us Ko Jaanta Hai.

274
Joh Loug Apna Maal Raat Aur Din Aur Poshida Aur Zaahir Raah-E-Allah Main Kharch Karte Rehte Hain Un Ka Sila Parwardigaar Ke Paas Hai Aur Un Ko Qiamat Ke Din Na Kisi Tarha Ka Khof Hoga Aur  Na Gham.

275
Joh Loug Sood Khaate Hain Woh Qabroun Se Is Tarha Hawaas Baakhta Uthain Ge Jaise Kisi Ko Jin Ne Lipat Kar Deewana Bana Dia Ho, Ye Is Liye Ke Woh Kehte Hain Ke Soda Baichna Bhi Toh Nafa Lehaaz Se Waisa Hi Hai Jaise Sood(Interest) Lena Halaanke Soude Ko Allah Ne Halaal Kia Hai Aur Sood Ko Haraam. Toh Jis Shakhs Ke Paas Allah Ki Nasihat Pohonchi Aur Woh Sood Laine Se Baaz Aa Gaya Toh Joh Pehle Ho Chuka Woh Us Ka . Aur Qiamat Main Us Ka Maamla Allah Ke Supurd, Aur Joh Phir Lene Laga Toh Aise Loug Dozakhi Hain Ke Hamesha Dozakh Main Jalte Rahain Ge.

276
Allah Sood Ko Nabood Yaani Be Barkat Karta Aur Khairaat Ki Barkat Ko Barhaata Hai Aur Allah Kisi Na Shukre Gunnehgaar Ko Dost Nahi Rakhta.

277
Joh Loug Eemaan Laaye Aur Naik Amal Karte Aur Namaz Parhte Aur Zakaat Dete Rahe Un Ko Un Ke Kaamoun Ka Sila Allah  Ke Haan Mile Ga Aur Qiamat Ke Din Un Ko Na Kuch Khof Hoga Aur Na Woh Ghamnaak Honge.

278
Momino!Allah Se Daro Aur Agar Eemaan Rakhte Ho Toh Jitna Sood Baaqi Reh Gaya Hai Us Ko Chor Do.

279
Agar Aisa Na Karo Ge Toh Khabardaar Ho Jaaow Ke Tum Allah Aur Rasool Se Jung Karne Ke Liye Taiyaar Hote Ho, Aur Agar Touba Kar Lo Ge Aur Sood Chor Do Ge Toh Tum Ko Apni Asli Raqam Lene Ka Haq Hai, Jis Main Na Auroun Ka Nauqsaan Aur Na Tumhara Nuqsaan .

280
Aur Agar Qarz Lene Wala Tang Dast Ho Toh Use Kushaaish Ke Haasil Hone Tak Mohlat Do Aur Agar Zar-E-Qaraz(Qarz Ki Raqam)  Bakhsh Do Toh Wo Tumhare Liye Ziada Acha Hai Bashart Yeh Ke Samjho.

281
Aur Us Din Se Daro Jab Ke Tum Allah Ke Huzoor  Lout Kar Jaao Ge Aur Har Shaks Apne Aamaal Ka Poora Poora Badla Paaye Ga. Aur Kisi Ko Kuch Nuqsaan Na Hoga.

282
Momino! Jab Tum Apas Main Kisi Miyaad-E-Moyian (Fix Time) Ke Qraz Ka Moaamla Karne Lago Toh Us Ko Likh Liya Karo Aur Likhne Wala Tum Main Kisi Ka Nuqsan Na Kare Balke Insaaf Se Likhe, Neez Likhne Wala Jaisa Allah Ne Usse Sikhaaya Hai Likhne Se Inkaar Bhi Na Kare Aur Dastaweez Likh De. Aur Joh Shakhs Qraz Le Woh Hi Dastaaweez Ka Mazmoon Bol Kar Likhwaaye Aur Allah Se, Ke, Us Ka Malik Hai Khof Kare Aur Zar-E-Qaraz Main Se Kuch Kam Na Likhwaye. Aur Agar Qarz Lene Wala Be Aqal Ya Zaeef Ho Ya Mazmoon Likhwaane Ki Qaabliyat Na Rakhta Ho Toh Joh Us Ka Wali Ho Woh Insaaf Ke Sath Mazmoon Likhwaye. Aur Apne Main Se Do Mardoun Ko Aise Moaamle Ke Gawah Kar Liya Karo. Aur Agar Do Mard Na Houn Toh Aik Mard Aur Do Aurtain Jin Ko Tum Gawah Pasand Karo Kafi Hain Ke Agar Un Main Se Aik Bhool Jaye Gi Toh Doosri Usse Yaad Dila De Gi. Aur Jab Gawah Gawahi Ke Liye Talab Kiye Jayain Toh Inkar Na Karen. Aur Qarz Thora Ho Ya Bohot Us Ki Dastaweez Ke Likhne Likhaane Main Kaahili Na Karna.Yeh Baat Allah Ke Nazdeek Nihayat Qareen-E-Insaaf Hai Aur Shahadat Ke Liye Bhi Yeh Bohot Durust Tareeqa Hai. Iss Se Tumhain Kisi Tarha Ka Shak-O-Shuba Bhi Nahi Pare Ga. Haan Agar Soda Dast Badast Ho Joh Tum Apas Main Lete Dete Ho Toh Agar Aise Moaamlaat Ki Dastaweezaat Na Likho Toh Tum Par Kuch Gunnah Nahi. Aur Jab Khareed-O-Farokht Kia Karo Toh Bhi Gawah Kar Liya Karo. Aur Kaatib-E-Dastaweez Aur Gawah, Moaamla Karne Walon Ka Kisi Tarha Nuqsaan Na Karen.Agar Tum Loug Aisa Karo Toh Yeh Tumhare Liye Gunnah Ki Baat Hai. Aur Allah Se Daro Aur Daikho Ke Woh Tum Ko Kaisi Mufeed Batain Sikhata Hai Aur Allah Har Cheez Se Waaqif Hai.

283
Aur Agar Tum Safar Par Ho Aur Dastaweez Likhne Wala Mil Na Sake Toh Koi Cheez Rehen Ya Qabza Rakh Kar Qarz Le Lo Aur Agar Koi Kisi Ko Ameen Samajhe Yaani Rehen Ke Bagair Qarz De De,  Toh Amaanat Daar Ko Chaahiye Ke Sahib-E-Amnat Ki Amanat Ada Kar De Aur Allah Se Joh Us Ka Parwardigaar Hai Dare. Aur Daikhna Shahadat Ko Mat Chupana . Joh Is Ko Chupaye Ga Woh Dil Ka Gunehgaar Hoga. Aur Allah Tumhare Sab Kamon Se Waaaqif Hai.

284
Joh Kuch Asmaanoun Main Aur Joh Kuch Zameen Main Hai Sab Allah Hi Ka Hai . Tum Apne Diloun Ki Baat Ko Zahir Karo Ge Toh, Aur Chupaaow Ge Toh Allah Tum Se Us Ka Hisaab Le Ga Phir Woh Jisse Chahe Maghfirat Kare Aur Jisse Chahe Azaab De Aur Allah Har Ceez Par Qaadir Hai.

285
Rasool Us Kitaab Par, Joh Un Ke Parwardigaar Ki Taraf Se, Un Par Naazil Hui, Eemaan Rakhte Hain Aur Momin Bhi Sab, Allah Par Aur Us Ke Farishtoun Par Aur Us Ki Kitaboun Par Aur  Us Ke Paigambaroun  Par Eemaan Rakhte Hain Aur Kehte Hain Ke Ham Us Ke Paigambaron Main Se Kisi Main Kuch Farq Nahi Karte Aur Woh Allah Se Arz Karte Hain Ke Ham Ne Tera Hukum Suna Aur Qabool Kia.Ae Parwardigaar Ham Teri Bakhshish Maangte Hain Aur Teri Hi Taraf Lout Kar Jana Hai.

286
Allah Kisi Shakhs Ko Us Ki Taaqat Se Ziada Takleef Nahi Deta. Ache Kaam Kare Ga Toh Us Ko Un Ka Faaida Mile Ga, Bure Kare Ga Toh Use Un Ka Nuqsaan Pohonche Ga. Ae Parwardigaar Agar Ham Se Bhool Ya Choook Ho Gai Ho Toh Ham Se Moaakhiza Na Kijiyo . Ae Parwardigaar Ham Par Aisa Bojh Na Daaliyo Jaisa Tu Ne Ham Se Pehle Lougon Par Dala Tha. Ae Parwardigaar Jitna Bojh Uthane Ki Ham Main Taqat Nahi Utna Hamare Sar Par Na Rakhiyo.Aur Ae Parwardigaar Hamare Gunaahoun Se Darguzar Kar Aur Hamain Bakhsh De. Aur Ham Par Rehem Farma. Tu Hi  Hamara Malik Hai Aur Ham Ko Kaafiron Par Gaalib Kar.